عارف الناجحين قليلين ليه؟
ببساطة علشان …
… النجاح بياخد وقت أطول من قدرة معظم الناس على الانتظار
من أكبر الفخاخ اللي ممكن تقع فيها هي مقارنة المستقبل بالحاضر. لما بتقيس المستوى اللي عاوز توصله بمستواك حاليا بتكون النتيجة: مستحيل
بتقارن اللي عاوز تحققه بامكانياتك وظروفك الحالية … وطالما مافيش طريقة تنقلك من هنا لهناك في لمح البصر فبتتصور إن الأمر درب من دروب الخيال
الفخ ده بيبقى واضح جدا في تعليقات الناس
لما بقول ابدأ اسعى وخد خطوات صغيرة علشان تحقق حلمك وتحول شغفك لمشروع خاص، الاقي كتير بيبعتولي عن الظروف وعن المسؤوليات وعن المخاطرة وعن وعن
بيبعتولي عن استحالة الوصول للهدف لأنهم بيقارنوه بظروف الحاضر … وبالنسبالهم لو ظروف الحاضر لا تؤهلهم للوصول لهدفهم يبقى الأعذار بتبدأ تتخلق والاستسلام للواقع بيكون هو الخيار الوحيد
أنا لما حلمت في يوم من الأيام إني مبقاش موظف تاني وأكون صاحب مشروع خاص في مجال أنا شغوف بيه، مكانش في أي سبب أو وسيلة منطقية تخلي عندي يقين بإني أقدر
مثال بسيط … أنا لما حلمت مكانش في
يعني مكنتش أقدر أدخل وأبحث وأتعلم من ناس تانية بسهولة زي دلوقتي
العلم مكانش متاح زي دلوقتي والانفتاح على العالم والفرص كان محدود جدا
بس كان سلاحي الأكبر هو الصبر واني أعمل المتاح
أنا دايما بقول للناس
اعمل المتاح لحد ما تلاقي المفتاح
"الصبر … ”وتواصوا بالحق، وتواصوا بالصبر
وافتكر ان النجاح دايما بياخد وقت أطول من قدرة معظم الناس على الانتظار
لو صبرت كفاية، هتوصل باذن الله
#خلي_شغفك_شغلك
Passion To Profit Online Course
اكتشف منظومة فريدة من ٤ خطوات، هي الأكثر أمانا وسهولة
في العالم، هتساعدك تكتشف شغفك وتحوله لمشروع ناجح
بأقل رأس مال وفي أسرع وقت ممكن حتى لو بتبدأ من الصفر