رحاب شريف : بطلة من العيار الثقيل

بقلم : وسام نبيل

رحاب شريف ... مهندسة

الرياضة كانت جزء مهم جداا فى حياتها

و يرجع الفضل فى ده لوالدتها لأنها من البداية وهى بتشجعها إنها تمارس الرياضة و من سن 6 سنين أختارت لها رياضة الكارتيه و بالرغم من إنها من الألعاب القتاليه اللى ممكن تكون مش مناسبة إنها تلعبها كبنت الا إن والدتها شافت إنها اللعبة اللى ممكن تدافع بيها عن نفسها وكمان ممكن تكمل فيها من غير ما تضطر بعدين إنها تخلع الحجاب

و مع كثرة المعسكرات و الماتشات و السفريات قدرت رحاب طول الوقت ده إنها توفق ما بين دراستها سواء دراستها فى المدرسة او دراستها فى كلية الهندسة وبين التزمها بالرياضة اللى بتحبها وو صلت إنها بقيت عضوة فى منتخب مصر للكارتية و أشتركت فى مسابقات دولية كتيرة زى بطولة العرب و بطولة البح المتوسط و بطولة أفريقيا و حصلت على الميدالية البرونزية فى بطولة البحر المتوسط بتركيا

بعد ما تخرجت من كلية الهندسة و إبتدت إنها تشتغل فى مجال الهندسة و ده أضطرها إنها تتوقف و تتخلى عن الرياضة و ممارستها لفترة لأن الشغل من 9 ل5 كان واخد كل و قتها مع كمان إلتزمتها و مسؤليتها تجاه زوجها و أسرتها

و فى وسط زحمة الحياة كانت حاسة إن فى حاجة نقصاها مش مرتاحة و مش سعيدة و كانت حاسة إن حدودها اكتر من مجرد الوظيفة

فحاولت إنها ترجع تانى لممارسة الكارتية اللى بتحبه و بدأت إنها تتطور نفسها بكورسات فى الدفاع عن النفس

و مع تشجيع زوجها فى إنها تحضر كورس

 passion to Profit

اللى قدرت من خلاله إنها تخرج من إطار الوظيفة الثابتة و تكتشف شغفها بالرقص المعاصر

و مع مفاجأه و إستغراب الجميع من إن شغفها يكون الرقص و إزاى كبنت و هى محجبة ترقص بس ده موقفهاش و بالتدريج قدرت إنها تترك الوظيفة فى مجال الهندسة و قررت تكمل فى شغفها و حضرت كتير من ورش عمل فى الرقص المعاصر و من خلال تطبيقها لجزء مهم جدا فى كورس

passion to profit

هو

networking

قدرت إنها تتعرف على مدربين أجانب و خاضت دورات تدربية متخصصة أكتر فى الرقص المعاصر مع أحد المدربات من إنجلترا اللى اعتبرتها رحاب بعد كده واحدة من ال

mentors

اللى دايما بتسندها و تحفزها و تشجعها على الإستمرار واللى ادى بيها إنها تخترها من ضمن فريقها عشان يعملوا عرض مسرحى و يتعرض فى مصر و خارج مصر و ده كان إنجاز كبير بالنسبة للرحاب وتجربة جديدة ليها و اللى اصبحت بعدها إنها تكون أول واحده محجبة بترقص فى مصر

نورت عند رحاب فكرة دمج شغفها بالرقص المعاصرو خبرتها الكبيرة فى الإلعاب القتالية زى الكارتية و الدفاع عن النفس مع بعض عشان تخرج بفن جديد من فنون الدفاع عن النفس تساعد بيه الناس و خصوصا السيدات إنهم يحصلوا على اللياقة و القوة للدفاع عن نفسهم

ساعدت كمان رحاب السيدات الحوامل من خلال فيديوهات على اليوتيوب اللى قدرت تصورها خلال فترة حملها لمساعدتهم فى التمتع بصحة جيدة أثناء و بعد فترة الحمل وممكن تتفرجوا عليهم من هنا

و خصصت رحاب كمان صفحة على الفيس بوك لتقديم نصايح و إرشادات للناس فى إزاى يدافعوا عن نفسهم و يعرفوا أكتر عن قدرات جسمهم ممكن تتابعوها من هنا 

أكبر غلطة ممكن ترتكبها فى حق نفسك أولا و الناس اللى ممكن تساعدهم ثانيا

إنك تتخلى عن هدفك

تتخلى عن حلمك

تتخلى عن شغفك

عشان إنت كده بتتخلى عن حياتك

وأ كبر خير ممكن تعمله و تقدمه لنفسك إنك تقاتل

تقاتل عشان توصل لأهدافك و أحلامك و شغفك

تقاتل عشان تكون إنت