Return to site

أكبر ٣ معوقات لإكتشاف شغفك

على مدار السنين اللي فاتت كل الناس اللي جاتلي علشان مش عارفة هي بتحب إيه كانت عارفة كويس شغفها. وكنت بستغرب جدا إزاي بيقوا عارفينه كويس كدة بس بيقولوا إنهم مش عارفينه. بعد بحث طويل توصلت لحل اللغز

أول لما قلبك يبدأ يشاور ويفكرك بشغفك، عقلك بيسأل ٣ أسئلة بتخليك متردد ومتشكك وبينتهي بيك الأمر إنك تايه ومش عارف شغفك إيه. الـ ٣ أسئلة المعيقة لإكتشاف شغفك هي

١. أعمل بيها إيه؟

بتبقى شايف إن شغفك ده غريب وإنه لا يمكن يتحول لشغلانة مناسبة أو إنه يتحول لمشروع. الفكرة إنك لا يمكن هتعرف غير لما تسعى وتشوف غيرك عمل إيه في المجال ده. لأن أكيد في حد عمل فيه حاجة من المليارات اللي عايشين على كوكب الأرض

للأسف عالم التنمية البشرية عودنا إن لازم يكون عندك رؤية واضحة لمستقبلك. لكن إزاي هيكون عندك رؤية واضحة للمستقبل وإنت معندكش رؤية واضحة للحاضر! لما تسعى ورا شغفك هتعرف وهتشوف أمثلة كتير ملهمة هتوضحلك الرؤية

٢. معقول هي دي؟

بتبقى متشكك في شغفك وإن ممكن شغفك يتغير مع الوقت أو إنك دايما متعود إنك تحب حاجة وتتحمسلها لفترة وبعدين تسيبها وتزهق منها أو إنك شايف إن شغفك ده حاجة تافهة ومش مفيدة للناس … إلخ

الحل الوحيد للخروج من الفخ ده إنك تبقى متأكد إن طالما الحاجة دي بتبسطك جدا لما تمارسها أو بتنبهر وبيحصلك حالة هوس لما بتشوف حد بيعملها، يبقى لازم تسمع لمؤشر قلبك


٣. بس أنا بحب حاجات تانية؟

أنا كنت بحب التحفيز والشطرنج والفنون القتالية وحاجات تانية كتير. وفي يوم قررت أركز في التحفيز وبعد ما حققت فيه نجاح كبير، طبقت خطوات

Passion To Profit System

على شغفي للشطرنج وعملت أول وأكبر أكاديمية في مصر لتعليم الشطرنج للأطفال كوسيلة لتنمية وتطوير شخصيتهم إسمها

Chess Your Child

الخسارة الكبيرة إنك تفضل تشتغل حاجة مبتحبهاش علشان عندك حاجات كتير بتحبها

لو ركزت وتعاملت مع الأسئلة دي بحكمة وذكاء هتقدر تخلي قلبك يشوف النور من جديد

خلي_شغفك_شغلك#

محمد تهامي

All Posts
×

Almost done…

We just sent you an email. Please click the link in the email to confirm your subscription!

OK