Return to site

الدايرة: ليه مش بتوصل للي انت عاوزه؟

ليه دايما بيبقى فيه مشاكل ومعوقات كبيرة علشان تحقق أي حاجة مهمة إنت عاوزها؟

...سؤال مهم مش كدة

.لأن لو عرفت الإجابة هتقدر تزود فرصك في التغلب على المعوقات دي وتحقق حاجات كتير إنت عاوزها

"الإجابة في مفهوم مهم بسميه “الدايرة

:دي فكرة إتعلمتها من توني روبنز وخلاصتها إننا كلنا عايشين في دايرة مغلقة من الآتي

إيمانك بقدراتك وإمكانياتك

إيمانك بقدراتك بينتج عنه أفعال على قدر الإيمان ده

أفعالك بتؤدي لنتايج معينة

النتايج دي بتبني معتقدات عن نفسك وعن العالم اللي حواليك

والمعتقدات دي بتنعكس على إيمانك بقدراتك وإمكانياتك

...يعني

لو إنت شايف إن قدراتك وإمكانياتك محدودة هتشتغل بمجهود محدود وتعمل حاجات صغيرة مش فعالة. وبالتالي النتايج اللي هتوصلها محدودة مش على قدر توقعاتك وأمانيك. وبالتالي هيترسخ عندك معتقد إن انت مش هتقدر تنجح وإن الظروف صعبة وإنك بتحاول بس مافيش فايدة مهما حاولت... وهلم جرا

مثال على كدة

معظم الشباب شايف إن قدراته محدودة في إنه يلاقي وظيفة

فبالتالي بيحضر سيرة ذاتية بشكل بعيد كل البعد عن الحرفية بيحط فيها أي كلام ويبعت نفس السيرة الذاتية لكل الوظايف اللي بيقدم فيها بدون أي تعديلات لإظهار ليه هو كفء للشغلانة دي. ومش بيحاول ياخد أي دورات علشان يطور من نفسه وقدراته للوظيفة اللي هو عاوزها … إلخ … أفعال ضعيفة ناتجة من نظرة أساسها إن قدراتي محدودة

فيقعد الشاب يقدم على وظايف وهو أصلا فاقد الأمل وبيبان حالة اليأس دي في شكل السيرة الذاتية

إحنا بيجيلنا مئات من السير الذاتية الهذيلة اللي بتؤكدلي إن البطالة مش هي المشكلة ولكن المشكلة الأكبر إن الشباب فاقد الأمل إنه يشتغل

...نرجع تاني

قدرات محدودة

سعي هزيل لإيجاد وظيفة

النتيجة إنك مش بتلاقي وظيفة أو بتلاقي وظيفة هزيلة مش على قدر طموحاتك

فيترسخ عندك المعتقد إن مافيش وظايف مهما حاولت وده لأن إمكانياتك محدودة وظروف البلد صعبة وكل حاجة ماشية بالواسطة … إلخ.

تقدر دلوقتي تقولي المشكلة فين بالظبط؟

...أيوة بالظبط

المشكلة في إنت شايف قدارتك وإمكانياتك إزاي

وعلى فكرة ... القدرات والإمكانيات مش بس مادية

الأهم من القدرات المادية هي القدرات الفكرية والقدرات الإجتماعية

القدرات الفكرية بتنميها بالعلم والقدرة على الإبداع والإبتكار

أما القدرات الإجتماعية بتنميها بشبكة العلاقات اللي بتبنيها

علشان كدة في منظومة

Passion To Profit

كنا حريصين يكون في مجتمع إستثنائي من ناس بتتجمع بشكل دوري علشان تساعد بعض بالعلاقات والأفكار وكل أشكال الدعم اللي ممكن تتصورها. علشان كل فرد يحس إنه وسط عزوة كبيرة هتسنده لحد ما يحقق حلمه

ولما يوصلك الإحساس ده هيكون عندك إيمان أكبر بقدراتك وإمكانياتك

ولما تتصرف على أساس كدة هتعمل حاجات كبيرة تفتحلك فرص كتيرة تخليك توصل للنتيجة اللي بتتمناها فيتبني عندك معتقد مختلف عن نفسك وعن العالم اللي حواليك

مجتمع وعائلة

Passion To Profit

من أكتر الحاجات اللي فخور بيها في حياتي

ناس مش شبه أي ناس… ناس بيساعدوا بعض بكل إخلاص وده اللي بيخلق قصص نجاح كلنا بنفخر بيها

علشان كده بنحلم حلم كبير وهو إننا نغير حال الموظفين في العالم كله ونشوف عالم الكل فيه بيشتغل الحاجة اللي هو بيحبها

...راجع تاني الدايرة

...وشوف إنت واقف فين وعاطلان ليه

لو أيقنت إن مواردك وقدراتك وإمكانياتك أكبر بكتير مما إنت شايفها دلوقتي (أو على الأقل إنك تقدر تخليها أكبر عن طريق العلم والعلاقات) هتقدر توصل لنتايج مختلفة خالص وتحقق اللي إنت عاوزه وطول الوقت بتتمناه

خلي_شغفك_شغلك#

إشترك الآن في

FIND YOUR PASSION WORKSHOP

وأحصل على هدية مجانية بقيمة ١٠٠ جنيه

نسخة من روايتي الجديدة الأسطورة سبعة

الرواية دي حلم قديم بالنسبالي وأكتر الأعمال اللي أنا فخور بيها حتى الآن. هتتعرف من خلال عمل درامي مشوق وملهم للغاية على المبادئ السبعة للحياة بشغف وهتحيي من جديد كل أحلامك المؤجلة

إضغط هنا للتفاصيل أو إتصل على 01020826426

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly