Return to site

الحل الأمثل لو مش مبسوط في شغلك

لو بقالك ما يقرب من ١٠ سنين أو أكتر بتشتغل موظف في شركات أو مؤسسات كبيرة، فأظن إنك وصلت لمرحلة بتسأل نفسك ... وبعدين؟
 
شايف إن شغلك تحول إما لروتين ممل أو لضغط غير محتمل. وبتعتقد إنك لو استثمرت مجهودك الحالي في مشروع خاص بيك هتتنقل نقلة تانية خالص. و نفسك تبقى حر نفسك وتكمل بقيت عمرك بتكبر في مشروع أو حلم خاص بيك إنت.
 
ولكن … خايف تخاطر وتسيب شغلك علشان المسؤوليات والإلتزامات اللي على
كتفك. فانت بين نارين … عاوز تبقى حر نفسك، وفي نفس الوقت المسؤوليات منعاك تنطلق ورا حلمك

الحل بسيط جدا ويكمن في فكرة الـ

Side Business

بمعنى إنك تبدأ مشروع خاص في أبسط صورة جنب شغلك الحالي. الهدف منه إنك تقدم منتج أو خدمة بسيطة وتعمل طريقة تسويق فعالة تخلي مشروعك مربح ولو بنسبة صغيرة

:الطريقة دي ليها ٣ مزايا مهمة جدا

أولا، هتزود ثقتك بنفسك وإنك قادر تكسب من مشروع خاص بيك وتحت مسؤوليتك الكاملة

ثانيا، هتقلل من الإحساس بالخوف والمخاطرة، لأن لما مشروعك يبدأ يكبر هتكون مطمن أكتر لو قررت تسيب الشغل وتتفرغله

ثالثا، أمان مادي كامل، لأن مش هيكون مصدر دخلك الوحيد هو المرتب. ده بالإضافة إن دخلك هيزيد بسبب العائد من مشروعك الخاص

أهم حاجة في المشروع ده إنه يكون في مجال إنت بتحبه جدا، وإلا بعد شوية ومع أول تحدي، ممكن تلاقي نفسك فقدت الحماس إنك تستمر

!إبدأ دلوقتي علشان تكمل بقيت حياتك عايش باسلوبك مش باسلوب مفروض عليك

خلي_شغفك_شغلك#

محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly