Return to site

خلي شغفك شغلك

لو أسوأ لحظة في يومك لما المنبه يرن الصبح علشان تصحى تروح شغل مش لاقي فيه نفسك و مش بيدي لحياتك أي معنى أو قيمة، و كمان ممكن يكون بيحسسك بالعجز أكتر ما بيحسسك بالنجاح والإنجاز … يبقى دي ممكن تكون أهم مقالة تقرأها في حياتك

إنت مش لوحدك في الوضع ده

٨٧٪ من الموظفين على مستوى العالم مش مبسوطين في شغلهم … إحساس صعب قوي إنك تصحى كل يوم على حياة نفسك تهرب منها

أنا كنت في نفس حالتك في يوم من الأيام

طول عمري مهووس بكلمة “بصمة” وإزاي تسيب أثر في الدنيا. كان عندي يقين إن مش ممكن الواحد يفضل عايش ويشتغل علشان يكسب لقمة عيشه وخلاص … لازم الواحد يعيش علشان يسيب علامة ويعمل فرق في حياته وحياة اللي حواليه

ماخدتش وقت كبير علشان أكتشف إني عمري ما هقدر أسيب بصمة طول ما أنا شغال موظف. أنا عمري ما سمعت عن موظف مشهور أو إسمه إتكتب في التاريخ أو ساب ميراث فاد الناس من بعده

علشان كده قررت إني عمري ما هقدر أنتمي لعالم الموظفين

إنت ممكن تستغرب من الكلام ده وتسأل لو كل واحد رفض يبقى موظف أمال مين اللي هيشتغل

ده تساؤل مشروع جدا. وأرجوك متفهمش كلامي غلط. مافيش أي مشكلة خالص إن الواحد يشتغل موظف. ملايين الناس بتفضل العالم ده ومرتاحة فيه أو على الأقل متقبلة ومتعايشة مع الوضع وفي ملايين تانيين عندهم طموحات كبيرة في شغلهم في الشركات

كل الحكاية إني بوجه كلامي لفئة تانية من الناس...

بوجه كلامي لكل واحد عنده طموح

أكبر بكتير من حدود وظيفته الحالية

بوجه كلامي لكل إللي بيحلم إنه يعيش حياته بسعادة، وبأسلوبه مش بأسلوب مفروض عليه. بوجه كلامي لكل اللي عايز يكون لشغله معنى وقيمة أكبر بكتير من مجرد لقمة العيش. بوجه كلامي لكل واحد عايز يشتغل الحاجة اللي بيحبها ويعشقها ويبدع فيها ويكون من خلالها عنده استقلالية وحرية مالية تسعده وتسعد الناس المهمين في حياته.

من خلال الحوارات اللي عملتها مع أكبر خبراء النجاح وإدارة الأعمال في العالم ومن خلال تجربتي الشخصية إكتشفت إن الشغف سر الحياة وسر السعادة الحقيقية

ببساطة كلمة شغف يعني الحاجة اللي بتسعد قلبك

شغف يعني الهوس الصحي اللي بيخليك في أفضل حالاتك وبتلاقي نفسك في اللي بتعمله

شغف يعني الوقت بيقف وبتنسى نفسك ومشاكلك وبتكون في تناغم كامل مع الحاجة اللي بتعملها

شغف يعني ممكن تصحى في نص الليل علشان تعمل اللي بتحبه أو تفكر فيه

شغف يعني حياة ليها طعم ومعنى وقيمة

شغف يعني الحاجة اللي ممكن تقضي عمرك كله تعملها وعمرك ما تزهق أو تمل

شغف يعني الشخصية الحقيقية اللي جواك … يعني الحلم الكبير اللي جواك … يعني البصمة المميزة بتاعتك

شغف يعني سعادة

أنا عارف إن في الظروف اللي عايشين فيها اليومين دول بتخللي مجرد التفكير في شغفك تحدي كبير ومخاطرة كبيرة كمان. إزاي في الظروف الاقتصادية والمعيشية الصعبة دي ممكن تفكر تسيب شغلك إللي كمان ممكن يكون مرموق وبتقبض فيه مرتب كويس

بالذات كمان إن كل الإحصائيات في مجال ريادة الأعمال مخيفة ومرعبة. كلها بتثبت إن نسب إللي بيفشلوا أكبر بكتير من اللي بينجحوا

لكن اللي هتكتشفه معايا هيغير كل الموازين. هتكتشف حل عملي وجذري لمعاناتك اليومية. أوعدك إني هساعدك تسترد شغفك للحياة مرة تانيه. هتسترد حريتك وتعيش بأسلوبك وتخلي حياتك قصة تبقى فخور وإنت بتحكيها لولادك وأحفادك

في البداية عاوز أحكيلك قصتي وإزاي عملت أفضل منظومة عملية في العالم هتساعدك تكتشف شغفك وتحوله لعمل خاص ناجح يعكس طموحاتك وأحلامك

المشهد الأول: بعد التخرج

سنة ٢٠٠٣ إكتشفت شغفي وكنت في آخر سنة في الكلية ـ أنا أصلا مهندس إتصالات (عين شمس) ـ

كنت مهووس بأي حد يمسك الميكروفون ويكلم الناس في حاجة تلهب حماسهم وتخليهم في حالة أفضل

لكن المشكلة إن ماكنش عندي أي خبرة، معرفة أو مهارة بالمجال ده خالص. مكنتش عارف حتى ممكن أتكلم وأقول إيه. وكمان هتستغرب لما تعرف إني شخصية إنطوائية جدا. فصعب عليا أوي إني أقف وأتكلم قدام الناس. بس الشغف له أحكام بقى. قلبي متعلق بالموضوع جدا

علشان كدة مرضتش أتسرع وأقول أنا مش هشتغل كمهندس وهبدأ شغلي في الحاجة اللي بحبها على طول. كانت هتبقى مخاطرة كبيرة إني أعمل الحاجة اللي بحبها من غير أي خبرة أو معرفة

فقررت إني أكون واقعي ومتهورش وأبدأ أشتغل زي كل الناس وأكسب لقمة عيشي بنفسي. وكنت محظوظ إن من أول يوم وأنا بشتغل في شركات

Multinational

وكنت عازم الأمر إني مش هتخلى عن الحاجة اللي بحبها وهبدأ أمارسها وأكتسب الخبرة والمعرفة والمهارة اللازمة جنب شغلي ساعتها

المشهد الثاني: الكتاب الأكثر مبيعا

بعد ٦ سنوات من الممارسة المستمرة لشغفي كتبت أول كتاب ليا إسمه

The Pharaohs’ Code

كتاب بيجمع ما بين حكم المصريين القدماء و كل اللي إتعلمته عن النجاح من القراءات والحوارات اللي عملتها مع أفضل خبراء النجاح وإدارة الأعمال في العالم

نشرت الكتاب وفي ١٩ مايو ٢٠٠٩ كانت المفاجأة...

الكتاب أصبح رقم ١ مبيعا في قسم التحفيز على

Amazon.com

إنجاز غير مسبوق ونقطة تحول كبيرة في حياتي وإشارة إلى بداية مرحلة جديدة في رحلتي. إشارة بتقول إن الممارسة وصلت للقمة وآن الأوان إني أقرر هكمل المشوار إزاي

لو أي حد في مكاني كان ممكن يعتبر إن خلاص كدة أنا عندي الخبرة والمعرفة اللازمة إني أسيب شغلي وأتفرغ لشغفي لأني أصبحت فيه أكتر من خبير

لكن أنا معملتش كدة. لأن في فرق كبير بين إنك تكون خبير بمجال وإنك تكون خبير في إدارة عمل أو مشروع خاص في هذا المجال

بدء وإدارة عمل خاص محتاجة عقلية مختلفة تماما عن عقلية الموظف ولذلك لا يمكن خلط الخبرة العلمية والعملية بالخبرة التجارية

في ناس بتقدر تاخد المخاطرة دي بس مش أنا. لأن كمان كنت لسة متجوز جديد وعندي مسؤليات أكبر و مرتبي كان معقول وصعب أضحي بيه وبالتأمين الصحي الكامل ليا ولأسرتي

علشان كل الإعتبارات دي قررت إني أكون واقعي وأبدأ رحلة جديدة علشان أعرف أحول إزاي شغفي وخبرتي فيه لعمل خاص ناجح ومربح

المشهد الثالث: بعد الثورة

رحلة بناء الخبرة التجارية وإدارة الأعمال فضلت سنتين ونصف وساعتها كنت مطمئن وجاهز تماما إني أخوض التحدي وأسيب شغلي للتفرغ لحلمي وشغفي

!هتتفاجئ لما تعرف إن السنتين ونصف دول خلصوا في يناير ٢٠١٢ … أيوه بالظبط كدة، بعد الثورة المصرية بسنة

وهو ده التوقيت اللي إستقلت فيه بمحض إرادتي وتفرغت لشغفي

التحديات في الفترة دي كانت غير مسبوقة … عد معايا كده

١. وضع البلد الإقتصادي من أسوأ ما يكون

٢. مفيش أي معالم لمستقبل واضح

٣. شركات كتير جدا قفلت ومشت موظفينها أو إضطروا يقللوا العمالة أو يخفضوا المرتبات

٤. ظروف المعيشة في البلد كانت من أصعب ما يكون

٥. قطاع التدريب وقف في كل الشركات

٦. كان عندي بنت إسمها مليكة عندها سنة والمفروض إني بحاول أؤمن لها مستقبلها

رغم كل التحديات دي وأكتر قررت إني آخد الخطوة وأبدأ حلمي

كل الناس كانوا شايفنها مخاطرة كبيرة وإن الوقت مش مناسب أبداً إني أعمل كده … بس أنا كنت شايف عكس كده

أنا كان بقالي تقريبا عشر سنين بحضر لليوم ده. ونتيجة للسعي والإخلاص ربنا بيزرع جواك البصيرة اللي بتوجهك للخطوة الصحيحة اللي فيها الخير ليك. بس لازم السعي. وبعد ما نفذت القرار تأكدت إني كنت صح وكان أحسن حاجة عملتها لمستقبلي المادي والمهني والأسري

... والحمد لله

دخلي تضاعف ٧ مرات...

نشرت ٣ كتب إضافية نالوا إستحسان دولي كبير و أصبحت عضو فاعل في أكبر منظمتين في العالم للـ

professional speakers

وهم

National Speakers Association (USA) and Global Speakers Federation

وفي ٢٠١٥ بدأت مشروع آخر في مجال تاني بعشقه وهو الشطرنج وإسمه

Chess Your Child

و تعتبر أول أكاديمية في مصر لتعليم الشطرنج للأطفال كأداة لتنمية شخصيتهم وتفكيرهم. ولينا حاليا أكثر من ١٠ فروع على مستوى القاهرة وعملنا شراكة مع مدرستين

وفي يناير ٢٠١٦ أسست

The Passion Point

علشان يكون مكان لدعم كل واحد عنده شغف وعاوز يتخلص من أسر الوظيفة ويكون حر نفسه ويعمل الحاجة اللي بيعشقها

وأخر الأعمال هي رواية "الأسطورة سبعة" الرواية دي حلم قديم بالنسبالي وأكتر الأعمال اللي أنا فخور بيها حتى الآن. هتتعرف من خلال عمل درامي مشوق وملهم للغاية على المبادئ السبعة للحياة بشغف وهتحيي من جديد كل أحلامك المؤجلة

منظومة
Passion To Profit

انا بحلم أغير حال الموظفين في العالم كله

بحلم بعالم كل الناس فيه بتشتغل الحاجة اللي بتحبها

علشان كدة أسست منظومة

Passion To Profit

هي منظومة فريدة من نوعها إبتكرتها من خلاصة تجربتي واللي ساعدت مئات من الناس خلال الخمس سنين اللي فاتوا إنهم يبدأوا مشاريع ناجحة في المجالات اللي بيحبوها ويحولوا حياتهم لحياة ليها طعم ومعنى وقيمة

مئات من الناس نجحوا يحولوا حياتهم من مجرد جري ومعاناه ورا لقمة العيش لحياة بيعيشوها بسعادة وبيعملوا فيها فرق في حياتهم وحياة الناس

ملحوظة: علشان تتعرف على بعض القصص دي إسمع

Passion To Profit Podcast

أنا عارف إنك ممكن تكون بتفكر دلوقتي إن مش ده الوقت المناسب اللي تفكر أو تسعى فيه ورا شغفك

بس لو تأملت قصتي هتكتشف إن الوقت المناسب عمره ما بييجي

الوقت المناسب إنت اللي بتصنعه بإيدك

تخيل معايا إن من أول يوم اكتشفت فيه شغفي قررت إن مش ده الوقت المناسب إني أعمل اللي بحبه لأن لازم ألاقي وظيفة الأول وبعدين لازم يكون معايا فلوس أبدا بيها مشروعي وبعدين لازم أتجوز وبعدين لازم أراعي مستقبل أولادي وبعدين ظروف البلد وحشة وصعبة … إلخ

لو كنت عطلت الشغل على شغفي لحد ما ييجي الوقت المناسب كنت فضلت بايع نفسي وعمري وأحلامي لحد دلوقتي

أنا كنت زيك مخنوق في شغلي جدا بس الفرق إني مكنتش ساكت و مستني الوقت المناسب … أنا كنت بشتغل على شغفي جنب الشغل وحاسس إني ببني حلمي وبستمتع بكل خطوة فيه. كنت حاسس إني مبعتش نفسي وإستسلمت لسلطة المرتب ولقمة العيش

كنت بعمل كل المتاح علشان أستعد وأكون جاهز لليوم اللي بحلم بيه

صحيح فضلت صابر وبسعى عشر سنين لكن دلوقتي أنا حاسس إنهم عشر ثوان

كان في أوقات صعبة وأوقات حلوة بس في الآخر قدرت أوصل لحلمي والحياة اللي طول عمري بتمنى أعيشها

لو مكنتش أخدت خطوات صغيرة من عشر سنين مكنتش هبقى قادر آخد خطوات كبيرة إنهاردة

إبدأ دلوقتي حالا

متستناش الوقت المناسب… إصنع الوقت المناسب

إكتشف شغفك وإشتغل عليه علشان تكون جاهز

وإتأكد إنك لما تكون جاهز الوقت المناسب هييجي

وأحب أطمنك إنك مش هتاخد ١٠ سنين زيي علشان تحقق حلمك

أنا بوعدك إنك هتقدر تحول شغفك لعمل خاص ناجح
حتى لو بتبدأ من الصفر ومش هتحتاج أكثر من نصف ساعة كل يوم جنب شغلك الحالي تطبق فيها خطوات نظام

Passion To Profit System®

الحمد لله على مدار الـ ٥ سنين اللي فاتوا كل اللي طبقوا خطوات

Passion To Profit

٪حققوا حلمهم بنسبة ١٠٠

مش لازم تفكر إنك تسيب شغلك دلوقتي … بس على الأقل إبدأ جنب شغلك في الحاجة اللي بتحبها.

إوعى تسيب نفسك وتستسلم لأسلوب حياة مفروض عليك…وإوعى تنسى إن الحياة بتنتهي فجأة

خلّي_شغفك_شغلك#

ملحوظة صغيرة: ده مالوش أي علاقة من قريب أو بعيد بالتسويق الشبكي

الخطوة الأولى

Find Your Passion

في ٢٠٠٧ بدأت سلسلة حوارات مع أفضل خبراء النجاح وإدارة الأعمال في العالم وكنت بسألهم عن قصص وأسرار نجاحهم. كان في سؤال دايما كنت بسأله وهو “إيه لحظة التحول اللي حصلت في حياتك؟

كان عندي فضول أعرف إيه اللحظة اللي بتحول إنسان عادي شبه كل الناس لإنسان غير عادي بيأثر في كل الناس

إتفاجأت إن كل مرة أسأل فيها السؤال ده كان بيجيلي نفس الإجابة

كانت دايما الإجابة تيجي في صورة: حياتي إتحولت أول ما بدأت أسمع لقلبي وأعيش بشغف

لأن أنا كمان إكتشاف شغفي وسعي وراه كان نقطة التحول في حياتي

!ناس كتير بتفتكر إن إكتشاف الشغف ده موضوع صعب جدا جدا. بس في الحقيقة هو مفيش أسهل منه

خليني أسألك بعض الأسئلة اللي ممكن تساعدك وتفتحلك الطريق

١. إيه أكتر حاجة كنت بتحب تعملها وإنت صغير؟

٢. لو هتدرِّس أو تدرس موضوع واحد بس طول حياتك هيكون موضوع إيه؟

(٣. لو فاضلك يوم واحد تعيشه هتعمل إيه؟ (غير الصلاة وزيارة الناس اللي بتحبهم

٤. لو عندك أمنية واحدة مجابة هتتمنى تعمل إيه؟

٥. لو معاك فلوس كتير جدا هتفتح مشروع في مجال إيه؟

٦. مين مثلك الأعلى اللي طول عمرك بتحلم تبقى زيه أو عندك نفس تأثيره؟

٧. إيه الحاجة اللي طول الوقت بتزن في دماغك وصوتها مش بيختفي … تقدر تقول كده النداهة اللي علطول بتنده عليك؟

لو الأسئلة دي مساعدتكش يبقى أنا بدعوك لورشة عمل

Find Your Passion Workshop

هنتكلم عن الـ ٣ أسباب الرئيسية اللي ممكن تمنعك من اكتشاف شغفك و هتعمل تمرين سريع وفعال جدا إبتكرته وسميته

The Passion Menu Method®

ده أسهل وأسرع تمرين في العالم هيساعدك تكتشف المجال (أو المجالات) اللي إنت شغوف بيها في أقل من ٧ دقائق.. التمرين ده عمره ما فشل إنه يساعد الناس على إكتشاف شغفهم

ولو إنت محتار لأن عندك أكتر من حاجة بتحبها هتعرف أربع طرق سهلة وسريعة هتساعدك على اختيار الشغف الأوضح والبدء فيه، أو إزاي ممكن تدمجه بطريقة مبدعة مع الحاجات التانية اللي إنت بتحبها

ومتقلقش ... في نهاية الورشة يا إما تكتشف شغفك وتحط رجلك على أول الطريق لحياة مليانة نجاح وسعادة وحرية زي ما وعدتك، يا إما تسترد فلوسك فورا وبدون أي شروط ... أهم شئ بالنسبالي إني أعمل كل اللي أقدر عليه علشان أساعدك تحقق حلمك وتعيش حياتك بأسلوبك مش بأسلوب مفروض عليك... لكن لو لأي سبب ده محصلش أو كان خارج توقعاتك يبقى من حقك تسترد فلوسك كاملة

بالإضافة لهدية مجانية بقيمة ١٠٠ جنيه

نسخة هدية من رواية الأسطورة سبعة

هتتعرف من خلال عمل درامي مشوق وملهم للغاية على المبادئ السبعة للحياة بشغف وهتحيي من جديد كل أحلامك المؤجلة

Find Your Passion Workshop

"The Passion Menu Method®"

by Mohamed Tohami

Only 200 EGP

الأربعاء-- 3 يناير-- من 06:30 مساءاً - 09:30 مساءاً

للحجز والإستعلام برجاء الإتصال على: 01020826426

(من 9:30ص - 9:30م -- عدا الجمعة )

المكان:

The Passion Point

٦ مربع ١١٦٠، شارع المشير أحمد اسماعيل، شيراتون هليوبوليس

خلف كافيه سوبريم وأمام مبنى كلية الهندسة للأكاديمية العربية للعلوم والتكنولوجيا
إضغط هنا للخريطة المفصلة

:ملحوظة

آخر ميعاد للحجز يوم الثلاثاء 2 يناير

يوجد فقط 35 مقعد متاح

ولذلك أرجو منك الاسراع بحجز مكانك الآن، قبل اكتمال العدد

طبعا مافيش داعي تحس بالضغط. أنا بس بوضحلك كل المعلومات

علشان في ناس لما بتتصل بينا وتلاقي العدد اكتمل بتزعل مننا

أو إتصل بنا على 01020826426 لمعرفة طرق الدفع الأخرى

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly