Return to site

قصة نجاح: مهندس يبهر الجميع بابداعه وشغفه لكتابة قصص الخيال

واحدة من قصص النجاح اللي أنا فخور بيها جدا هى قصة الكاتب محمد عباس

شغف محمد عباس هو الكتابة و بالتحديد كتابة و تأليف القصص الخيالية

محمد عباس مهندس كهرباء درس بكلية الهندسة جامعة عين شمس و كان هدفه وقتها التخصص فى مجال الكهرباء اللى كان بيحبه دخل قسم الكهرباء بالكلية و اتخرج منه عام 2005 و بدأ حياته العملية بالعمل فى واحدة من الشركات الكبيرة فى مجال الكهرباء. استمر فيها 9 سنوات و تدرج فى عمله الى ان وصل ليكون مدير و مسئول عن قسم التحكم الألى فى نفس الشركة و ده بالظبط اللى كان محمد عباس بيسعى ليه و بالفعل حققه

ولكن ظهرت رسائل لمحمد عباس كانت سبب في تغيير المسار تماما

الرسالة الأولى

بعد انتهائه من مشروع كبير و ضخم جدا كان هو المسئول عنه فى الشغل و حقق فيه نجاح و انجاز كبير انتبهه لحاجة مهمة جدا وهى هل فعلا هو سعيد و مبسوط بشغله اللى كل يوم بيقضي فيه 9 ساعات كاملة بتستنفذ منه طاقته كلها ... تعب و مجهود و وقت و فى النهايه ايه المقابل ؟

هل المقابل المادى وحده يكفى علشان يعوض كل التعب ده أم هناك الأفضل؟ ده غير ان إرهاقه بعد يوم طويل فى الشغل و ضيق الوقت كان لا يسمح بتمضية الوقت الكافي مع أسرته. فكان احساسه بانه لا يتحكم فى حياته كبير جدا و احتياجه لتغير حياته أصبح شىء ملح عنده جدا.. ولكن ازاى ...ده كان السؤال ؟

الرسالة الثانية

اعلان كورس

Passion To Profit

اللي وجده بالصدفة على الفيس بوك و قرر انه يخوض التجربة لعله يكون سبب فى التغيير اللي بيدور عليه ... فكانت بالفعل هى التجربها الأروع فى حياته و بالفعل من خلالها اتعرف على الشىء اللى بيحبه و يعشقه وهو الكتابه وعرف ان ده طريقه وحلمه اللى المفروض يكمل فيه

و من هنا بدأ يشتغل على شغفه ويطوره فدرس و اتعلم على إيد د. نبيل فاروق واحد من افضل الكتاب و مؤلف لسلسلة قصص رجل المستحيل و ملف المستقبل

وبعد كدة شارك بأول قصة ليه فى مسابقه لمجلة "ممكن" لكتابة القصص القصيرة و فاز بيها و كانت دفعة قوية بالنسباله انه يكمل فى طريقه الجديد و كأن فوزه بالمسابقة بمثابة رسالة ثالثة و مؤشر قوى للإستمرار فى شغفه

وفى مارس 2014 قرر الأستقالة من الوظيفة الثابتة و مجال الهندسة بالكامل واتجه للتركيز الكلى على إنه يكون كاتب و مؤلف

وأسس موقعه الخاص و صفحة خاصة بيه على الفيس بوك وبدأ فى نشر مقالاته و قصصه القصيرة

ثم أطلق حلم جديد و هو عمل سلسلة قصصية تضاهى سلسله رجل المستحيل لدكتور نبيل فاروق. سلسلة اطلق عليها اسم "تاتشى كيشى" و صدر منها حاليا العدد الأول "ذئاب فوجى سان" و العدد الثانى "قتل بلا دماء" و لسه مستمر فى تحقيق حلمه
 

بالإضافة الى انه صمم تدريب مميز يساعد على كتابة رواية من 150 صفحة فى 60 يوم فقط ... وتخرج من مدرسته العديد من المؤلفين الشباب اللي نشروا أعمالهم في كبرى المكتبات

على لسان محمد عباس

كنت صريحًا جدًا مع نفسي وجاوبت على هذه الأسئلة بمنتهى الصدق والوضوح... أنا خاسر كبير... لا يعنيني إذا كان الناس يرونني ناجحًا وسعيدًا، لا يعنيني إذا كانوا معجبون بحياتي ويتمنوا أن أكمل على نفس الدرب، فهم فى النهاية لا يعيشونها... بل هم فقط يشاهدون...

بدأت أرتب أوراقي من جديد وأراجع حياتي فوجدت أن أكبر مشكلة هى أنني لا أتحكم فيها على الاطلاق؛ ففى العمل أنا أخضع لقوانينه وتوقيتاته التى تجبرني على العمل طوال اليوم ولا تمكنني من الراحة المتصلة إلا سبعة أيام فى السنة، أما خارج العمل فيحكمني مظهر اجتماعى معين (الباشمهندس راح، الباشمهندس جه)، فقررت أن أتخلص من جميع القيود لأعيش حرًا

أصبح لدي يقين أن الوقت قد حان لأحقق حلمي وأتحرر من قيد العمل الوظيفي وأتفرغ لحياتي الجديدة، ولما أحبه وأعشقه حتى النخاع

اعرف ان شغفك موجود جواك لكن عليه شوية تراب محتاج منك انك تزيله. فخلى بالك دايما من رسايل ربنا ليك و ركز معاها كويس لأنها ممكن تكون سبب فى تغيير حياتك للأفضل ..اعتبر قصة محمد عباس و شغفه رسالة ليك للتغيير و بدايه مرحله جديده فى حياتك يكون فيها شغفك هو شغلك

خلي_شغفك_شغلك#

Passion To Profit Online Course

اكتشف منظومة فريدة من ٤ خطوات، هي الأكثر أمانا وسهولة

في العالم، هتساعدك تكتشف شغفك وتحوله لمشروع ناجح

بأقل رأس مال وفي أسرع وقت ممكن حتى لو بتبدأ من الصفر

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly