Return to site

إزاي ممكن تحقق إنجازات كبيرة في حياتك وشغلك؟

لو بتؤمن بقوة الخطوات الصغيرة هتقدر تحقق إنجازات عظيمة جدا في حياتك

أنا بلاحظ معظم المخاوف عند الناس بيكون سببها إنهم بيفكروا في خطوات كبيرة جدا عاوزين يعملوها فبالتالي بيشكوا في قدرتهم على النجاح وبيتعزز خوفهم من الفشل

وبلاحظ كمان انهم بيفكروا لقدام زيادة عن اللزوم وكل ما يبفكروا لبعيد عقلهم مش بيقدر يجمع الخطوات اللي هتوصلهم من مكانهم للمكان اللي عاوزينه. وكمان بيبدأ يعزز الخوف من كل العقبات اللي ممكن تظهر في الطريق

انت مش محتاج تشغل بالك وتفكر بعيد قوي كدة

ومش محتاج يكون عندك كل المهارات والإمكانيات والقدرات اللي هتوصلك للي إنت عاوزه من دلوقتي

"الحياة رحلة وزي المثال المشهور ما بيقول ”رحلة الألف ميل تبدأ بخطوة

للأسف الناس بتفكر في الألف ميل مش في الخطوة، فبيبدأوا يتعبوا وينهجوا وهما لسة حتى واقفين في مكانهم

فكر خطوة خطوة هترتاح كتير وهتستمتع بحياتك جدا. واتأكد إن كل ما هتسعى أكتر هتكبر أكتر. وكل ما كبرت خطواتك هتكبر معاك

وافتكر إن تراكم الخطوات هيتحول في الآخر لنقلة نوعية كبيرة في حياتك

أنا لما قررت إني عاوز أسيب الشغل علشان أتفرغ لشغفي وأحوله لمشروع خاص مكانش عندي أدني فكرة هعمل كدة إزاي. بس مشغلتش بالي بإزاي هوصل. شغلت بالي بالخطوات المتاحة اللي أقدر أعملها. والحمد لله خطوة خطوة قدرت أوصل لحلمي

استمتع بحياتك وآمن بقوة الخطوات الصغيرة … لأنها لما تبني على بعض هتصنع شئ لا يمكن كنت تتخيله

#خلي_شغفك_شغلك

Passion To Profit Online Course

اكتشف منظومة فريدة من ٤ خطوات، هي الأكثر أمانا وسهولة

في العالم، هتساعدك تكتشف شغفك وتحوله لمشروع ناجح

بأقل رأس مال وفي أسرع وقت ممكن حتى لو بتبدأ من الصفر

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly