فكرة الـ
Side Business
أصبحت ضرورة وفرصة كبيرة ما ينفعش تغفل عنها بالذات اليومين دول لعدة أسباب منها
١. لا يوجد أي مخاطرة
إنت محافظ على شغلك ودخلك زي ما هما. تقدر تبدأ مشروعك الجانبي برأس مال بسيط جدا جدا وبالتالي مش بتخاطر بكل فلوسك ولا بتستلف أو تدين
٢. سهولة الانتشار
بالفكر السليم ومع وجود الـ
social media
أصبح سهل جدا وبأقل التكاليف إنك تنتشر وتعرف آلاف الناس بالمنتج أو الخدمة اللي انت بتقدمها. الوصول للعملاء المستهدفين أصبح أسهل بكتير من زمان
٣. تمارس شغفك
المشروع الصغير اللي هتبدؤه جنب شغلك هيكون فرصة هايلة إنك تشتغل في المجال اللي انت بتحبه وإنك تبقى مبسوط وانت بتعمل فرق في حياة الناس وبتسيب بصمة ولو صغيرة في مجال انت بتعشقه
٤. زيادة دخلك
مما لا شك فيه إن الشركات لا يمكن تزود مرتبك بما يتماشى مع نسبة التضخم أو مع طموحاتك. فبالتالي مشروعك الصغير هيكون الطريق الأمثل لزيادة دخلك. وكمان هيكون عندك أكتر من مصدر للدخل وده هيعلي من درجة أمان مستقبلك المادي وهتكون أقل عرضة للضرر اللي بيحصل من تغيرات سوق العمل
الـ
Side Business
أكبر فرصة إنك تمارس شغفك وتزود دخلك بدون المخاطرة بوظيفتك الحالية. متخليش خوفك يوقفك لأن مافيش أي سبب للخوف أصلا
خلي_شغفك_شغلك#
محمد تهامي
