Return to site

اكتشف الدرجة الجامعية رقم ١ لأشهر رواد الأعمال في العالم

في دراسة أجرتها شركة
Approved Index
لمعرفة الدرجة الجامعية اللي حصل عليها أعضاء قائمة فوربس لأغنى ١٠٠ شخص في العالم

على عكس الإنطباع اللي عند كتير من الناس إن عظماء ريادة الأعمال عادة مش بيكملوا دراستهم، الدراسة دي وضحت إن ٣٢٪ من أغنياء العالم بس هما اللي مكملوش دراسة. إنما الباقيين كلهم حصلوا على درجة جامعية

طبعا منطقي إن الدرجة الجامعية الأشهر لأنجح ناس في ريادة الأعمال هي التجارة

!الحقيقة لأ

!الدراسة أثبتت إن الدرجة الجامعية رقم ١ لأشهر رواد الأعمال هي الهندسة

طبعا أنا كنت سعيد جدا بالحقيقة دي ... لإن دراستي هي هندسة الإتصالات والإلكترونيات

السبب إن الدرجة دي هي الأشهر هو إنك علشان تنجح مشروعك الخاص لازم يكون عندك ٣ صفات مهمة ... والصفات دي بتكون موجودة تلقائيا عند المهندس

:الصفات دي هي

١. القدرة على تحليل البيانات والأرقام
٢. تحويل النظريات لتطبيقات واقعية
٣. قراءة واستنباط الإتجاهات والتطورات المستقبلية

دي صفات مهمة جدا لرائد الأعمال الناجح واللي بتخلي عنده قدرة كبيرة إنه يحول الأفكار والفرص لمشاريع بتلبي إحتياجات ملحة عند الناس وبالتالي بتحقق أرباح كبيرة

!لو إنت مش مهندس متقلقش

الدرجات العلمية الأخرى كان ليها نصيب

وكأن الدراسة بتقول إن رائد الأعمال ممكن ييجي من خلفيات مختلفة ويقدر يحقق نجاحات كبيرة

لكن الحاجة اللي الدراسة دي أكدتها إن، بغض النظر عن الدرجة العلمية، الحاجة الرئيسية المشتركة بين أشهر رواد الأعمال في العالم هو شغفهم الشديد بالمجال اللي بيشتغلوا فيه والحرية المطلقة في الإبداع وإستغلال الأفكار والفرص المميزة

علشان كدة لازم تسعى علشان تخلي شغفك شغلك ويكون عندك الحرية إنك تعيش حياتك باسلوبك مش باسلوب مفروض عليك

خلي_شغفك_شغلك#
محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly