Return to site

قصة نجاح: كيف تركت إنجي عملها

لتحقق حلم الصغر وتبني إسما لامعا

في عالم صناعة الحلي والإكسسوارات

إنجى نبيل.... فنانة بتملك قلب مليان شغف

هي قصة نجاح من العيار الثقيل و كتير من الناس بيتمنوا يكونوا زيها و يوصلوا لنفس نجاحها وخصوصا فى مجال ممكن يكون صعب على كتير من السيدات إنهم يتعلموه و يتقنوه زى تصميم و صناعة الحلي والإكسسورات

إنجى بتعلمنا إن مافيش حاجة إسمها مستحيل وإنك تقدر تمارس شغفك و تتقنه و تحوله لمشروع ناجح تديره بكل سهولة من البيت

إنجى نبيل أسست براند خاص بيها لتصميم و صناعة الحلي والإكسسورات و أطلقت عليه اسم
Angela’s Jewellery

بس البداية ماكنتش من هنا

البداية بدأت من وإنجى لسة صغيرة

اكتشفت من صغرها حبها للفن و الألوان و الرسم و كان السبب فى إكتشفها ده هو والدها اللى بيعتبر مثلها الأعلى و ملهمها

كانت بتحب دايما تتابع شغله .. والدها فنان و رسام كان بيرسم كتير من اللوحات الزيتية و يبعها، فكانت إنجى مستمتعة جدا بفنه بحب وشغف ... ودى كانت بداية اكتشافها لحبها لكل شىء متعلق بالفن عموما

وكانت و هى صغيرة أحد جيرانهم بيملك محل إكسسورات و كان عادة بيحط القطع القديمة و المكسورة اللى مش هتستخدم بعد كده فى
صندوق كبير

و فى يوم إنجى لقت الصندوق ده خارج باب منزلها وكان بالنسبالها كأنها وجدت كنز عظيم

و فعلا حاولت إنها تعيد تصميم الإكسسورات القديمة و تحولها لتحف فنية رائعة ... وهى لسة محتفظة بيها لحد دلوقتى
بس وقتها إنجى ماكنتش مدركة إن ده ممكن يكون شغفها و كانت بتعتبره مجرد هواية بتمارسها فقط ...

وبعد سنتين من شغلها كمهندسة قررت إنها تستقيل من عملها و تغير طريقها لأنها اتأكدت إن ده مش حلمها وإن مجالها اللى درسته كان بعيد و مختلف تماما عن الفن اللى بتحبه ... حلمها كان الفن ... بس كان السؤال هنا هتبدأ من فين وخصوصا وإن مجالات الفن كتيرة

فحاولت إنجى إنها تجرب فى كذا اتجاه

حاولت إنها تبدأ فى دراسة مجالات قريبة من شغفها للفن زى الديكور

ولكن اللى لفت إنتبهها ولمع مرة تانية هو حبها و شغفها لتصميم الحلي والإكسسورات و صناعتها و خصوصا بعد حضورها لمعرض أكسسورات و أعمال يدوية و كانت مبهورة جدا بتصميمتها الرائعة فحبت إنها تستعيد حلم الصغر وتتخصص فى المجال ده

بدأت تعلم نفسها بنفسها عن طريق الفيديوهات و الممارسة وإنها تشتغل بنفسها على نفسها .. بدأت فى البداية تشكل قطعها من الاسلاك النحاسية و الأحجار الكريمة و بعد كدة اتجهت إنها تشتغل بالفضة

نالت انجى تشجيع كبير من أصدقها و دعمهم الكامل و شجعوها بإنها تبدأ تبيع منتجاتها

وكان هو ده التحدى الأكبر بالنسبة لإنجى إنه إزاى ممكن تحول شغفها لمشروع خاص تقدر تديره بسهولة و من البيت ... و عن طريق نصيحة لأحد أصدقها قررت إنجى تحضر كورس

Passion To Profit

وتخوض التجربة بحضوره وتطبيقه

و كان هو البداية لنقلة كبيرة فى حياتها

بدأت إنجى فى تأسيس براند ناجحة جدا في عالم تصميم و تصنيع الحلي والإكسسورات و اللى ممكن تستمتعوا بفنها و تتابعوها من خلال صفحتها على الفيس بوك والانستجرام

و كمان حبت إنها تساعد سيدات كتير و تعلمهم إزاى يبدأوا مشروعهم الخاص في مجال تصميم وصناعة الإكسسورات من خلال كورس اسمه

Jewellerista

نصحتى ليك ... حياتك ملكك خليها زى ما إنت عايز

و مهما كانت ظروفك بلاش تنسى حلمك القديم ... صحي حلمك تاني .. وعافر علشان تعيش وتبدع بشغف وتكمل بقيت عمرك بتعمل الحاجة اللي إنت بتحبها

#خلي_شغفك_شغلك

Passion To Profit Online Course

اكتشف منظومة فريدة من ٤ خطوات، هي الأكثر أمانا وسهولة

في العالم، هتساعدك تكتشف شغفك وتحوله لمشروع ناجح

بأقل رأس مال وفي أسرع وقت ممكن حتى لو بتبدأ من الصفر

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly