Return to site

نفسك تفتح مشروع خاص بس خايف من الفشل؟

...خليني أقولك على حاجة مهمة

إنت مش هتنجح في مشروعك الخاص لو إنت مش ناجح في شغلك الحالي … حتى لو بتكرهه

لإن النجاح بالنسبالك طبع وسمعة … ماتقبلش أبدا إن أدائك في أي حاجة بتعملها يكون ضعيف

!فلو إنت ناجح في شغلك اللي بتكرهه، ما بالك بقى لو بتعمل حاجة إنت بتحبها

...دي نقطة … النقطة التانية

مصدر أي نوع خوف حاجة واحدة بس … هي إنك مش بتكون عارف اللي إنت خايف منه لو حصل هتعمل إيه

وبالتالي لو عندك تصور وثقة إنك تقدر تتعامل مع اللي خايف منه لو حصل، الخوف هينتهي في ثانية

طيب إنت خايف مشروعك يفشل وتبقى خسرت شغلك وفلوسك، مش كدة؟

سؤال … هو الشغل اللي إنت فيه ده مافيش غيره؟

يعني لو سيبت الشغل وفتحت مشروع خاص … وبعدين لا قدر الله فشل … إيه اللي يمنع إنك تلاقي شغل تاني؟

خلي بالك … إنت أصلا لو فتحت مشروع بمنهج
Passion To Profit
يبقى إنت مش هتسيب الشغل غير ومشروعك الصغير اللي فتحته جنب شغلك نجح بالفعل … بس يعني أنا بفترض الأسوأ

إيه اللي يمنع إنك تلاقي شغل؟

خليني أقولك على حقيقة مهمة خاصة بسوق العمل في مصر من واقع إدارتي لـ
Passion Point
وإحتكاكي باصحاب شركات كتير

مصر فيها وظايف كتير جدا … لكن يوجد نقص حاد في الكفاءات. لما بندور على حد علشان ينضم لفريق العمل في
Passion Point
بتكون مهمة في غاية الصعوبة

فلو إنت ناجح في شغلك وفعلا كفء يبقى تأكد إنك هتلاقي شغل بسهولة جدا لإنك عملة نادرة

فالموضوع يستاهل إنك تاخد الخطوة … وزي ما قولتلك إنت مش هتسيب الشغل غير لما مشروعك ينجح بالفعل … يعني مافيش أي سبب للخوف نهائي

والحقيقة
Passion To Profit
موجه ليك إنت بالذات

الموظف الغير كفء اللي قاعد في الشغل ومستني المرتب يجيله آخر الشهر بأقل مجهود، ده مش عاوزينه وهو أصلا مش هيفكر ينضم لينا لإنه كسول ومعندوش طموح ومش مستعد يطور حياته

Passion To Profit
للشخص الطموح اللي زيك … اللي عارف إن عنده إمكانيات وقدرات كبيرة وطموحه أكبر من حدود الوظيفة

علشان كدة البرنامج مصمم ليك إنت وإحنا بنكون معاك خطوة بخطوة

لإن نجاحك هو المحرك الأساسي لحلمنا … حلم تغيير حال الموظفين في العالم كله

كل قصة نجاح بتخرج من
Passion To Profit
بتصنع أمل لناس كتير وتثبت إن في فرصة حقيقية إن أي موظف طموح مش مبسوط في شغله الحالي يقدر يكمل حياته عايش باسلوبه مش باسلوب مفروض عليه

إنت تقدر تعمل اللي بتحبه وتكون حر نفسك وتعمل فرق في حياة ناس كتير

خلي_شغفك_شغلك#
محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly