Return to site

أهم حاجة لازم تعرفها قبل ما تبدأ مشروعك

!في ٤ خطوات معظم الناس بتعملهم علشان تبدأ مشروع فاشل

...صح .. إنت قريت صح

أشهر ٤ خطوات لبدأ مشروع فاشل هما

١. شوف مجال عندك فيه خبرة أو بيكسب
٢. حدد فكرة المشروع
٣. صمم منتجات أو خدمات
٤. ابحث عن العملاء اللي هيشتروا منتجاتك

لو عملت كدة يبقى النتيجة هتكون حزينة

علشان تعمل مشروع ناجح لازم أول حاجة تعرفها كويس جدا جدا جدا هي العميل اللي إنت عاوز تساعده وتتبنى قضيته

خليني أديلك مثال

Gwen Wunderlich and Dara Kaplan
مؤسسين براند اسمها
Pretty Electric

هما بيساعدوا السيدات فوق سن الأربعين إنهم يرجعوا تاني لسوق العمل أو يبدأوا مشاريعهم الخاصة

إنت متخيل الفرق في فاعلية المنتجات والخدمات اللي بيقدموا وسهولة التسويق و الوصول لعميلهم المثالي بمجرد ما حددوه بدقة وعرفوا احتياجاته ورغباته والتحديات اللي بيمر بيها

نفس الحكاية في
Passion To Profit


إحنا بنساعد الموظف اللي بقاله ما يقرب من ١٠ سنين بيشتغل … بس خلاص مش قادر يكمل بسبب الضغط أو الروتين … ونفسه يكون حر نفسه ويبدأ مشروعه الخاص … بس عنده مسؤوليات وإلتزامات مخلياه عاجز مش عارف يعمل إيه

فاحنا مش بنتكلم عن ريادة الأعمال بشكل عام أو بنحفز الناس كلها تبدأ مشروع خاص

إحنا بنوجه كل شغلنا للعميل ده تحديدا … وفاهمين معاناته وتحدياته بدقة … علشان كدة بفضل الله قدرنا على مدار الست سنين اللي فاتوا نساعد مئات من الناس إنهم يحولوا شغفهم لمشروع ناجح … وقدروا من خلاله يعيشوا حياتهم باسلوبهم مش باسلوب مفروض عليهم

ومازال الحلم مستمرا … حلم تغيير حال الموظفين في العالم كله … وإن مايكونش في تاني موظف بيروح الشغل كل يوم مكسورة عينه علشان لقمة العيش ... هي دي القضية اللي بنتبناها

...نرجع تاني

:الخطوات الصحيحة علشان تبدأ مشروع ناجح لازم تكون كالآتي

١. حدد مجال إنت بتحبه وشغوف بيه
٢. ادرس المجال كويس وشوف اللي سبقوك عملوا ايه
٣. حدد عميلك المثالي وادرس حالته ومشكلته كويس جدا
٤. صمم منتجات وخدمات تحل مشكلة عميلك بأفضل شكل ممكن

رغم بساطة الخطوات دي ومنطقيتها، للأسف السواد الأعظم من الناس مابيعملوش كدة

!بس على الأقل يهمني إن إنت تكون عرفت الصح إيه

خلي_شغفك_شغلك#

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly