في يوم شخص بعتلي رسالة بيقول أنا تايه ومحبط جدا جدا ... مافيش أي حاجة بحبها ومش عارف ممكن أبدأ مشروع في إيه بالظبط
وبعدين كتبلي قائمة فيها مجالات كتير جدا هو شاطر فيها
قولتله ممكن تقوللي أي مجال من دول بتكون مستمتع وإنت بتعمله
بعتلي وقاللي "الطبيخ" ... هو أكتر حاجة بستمتع بيها
خد بالك
ده مجال هو بيستمتع بيه وبيحبه وكمان من ضمن قائمة الحاجات اللي هو بيقول إنه شاطر فيها جدا
يعني هو عارف هو بيحب إيه وعارف هو شاطر في إيه ... لكن في رسالته بيقول أنا تايه ومش عارف أنا بحب إيه
مش قادر أقوللك الموقف ده بيتكرر قد إيه كل يوم...
المشكلة مش إنك مش عارف إنت بتحب إيه
المشكلة هي إنك متردد تاخد أي خطوات علشان عندك مليون سؤال في دماغك مش لاقيلهم إجابة
وعادة ٩٩.٩٪ من الأسئلة اللي في دماغك محتاجة إنك تسعى وتاخد خطوات وتستكشف الإجابة
لكن إنت متردد ومش عاوز تبدأ لغاية ما حد يجاوبك الأول
وبتكون النتيجة
"توهان كبير"
...افتكر كويس
المتردد، هيتوه
...ترددك هو سبب توهانك
بمجرد إنك تاخد أول خطوة وتبدأ تتحرك، كل التشابكات والأسئلة اللي في دماغك هتلاقيلها إجابات أو هتكتشف إنها كانت مجرد مخاوف مش في محلها
خد قرار دلوقتي ... خد خطوة ... وبلاش تتردد كتير ... بلاش تسأل أسئلة مش في أوانها ... وكمان بلاش تاخد خطوات كبيرة فيها مجازفة علشان تقلل الخوف والمخاطرة
...افتكر
المتردد، هيتوه
==============
اشترك الآن في
Passion To Profit Online Course
علشان تحول شغفك لمشروع ناجح تقدر من خلاله تعيش حياتك باسلوبك مش باسلوب مفروض عليك
اضغط هنا
مع ضمان استرداد فلوسك بالكامل في حالة عدم الاستفادة*