Return to site

 

سؤال واحد = إنجازات كتير

أرنولد شوارزنجر ليه جملة بتقول

"Your Mind Is The Limit”

كل الحدود اللي بتوقفك بتكون في عقلك مش في الواقع

مثال

امبارح كنت بتكلم مع عميل عن البزنس بتاعه والمشاكل اللي بيواجهها في التسويق

اثناء المكالمة اكتشفت إن أساس مشكلته إنه عنده أفكار هو متصورها عن السوق وسلوك الناس هي اللي مخلياه واقف مش بيتحرك

“الناس مش هتشتري حاجة زي كدة”

“الشريحة دي معاهاش فلوس تدفع”

“لو تخصصت في المجال ده هبقى زنقت نفسي”

إلخ

أنا بقالي في السوق أكتر من ١٦ سنة وعارف إن كل اللي بيقوله ده مش حقيقي

فسألته سؤال مهم جدا

“هل دي افتراضات أم حقائق بناءا على دراسة إنت عملتها؟”

"فكر شوية وقال، "لا بصراحة دي افتراضات

عقله هو اللي حاطط حدود مخلياه مش قادر يتقدم وينجح

قبل ما تتعامل مع الواقع من وجهة نظرك اسأل نفسك

“هل اللي أنا بفكر فيه ده افتراضات ولا حقائق”

من أشهر الافتراضات في عالم ريادة الأعمال

“الوضع دلوقتي مش مناسب إني أفتح مشروع خاص علشان ظروف البلد وحشة”

لو سألت نفسك السؤال اللي قولناه من شوية وجاوبت بصدق هتكتشف إنه مجرد افتراض وإن في ناس كتير بتفتح مشاريع في الظروف دي وبتنجح

!!!أنا سبت الشغل وتفرغت لمشروعي الخاص في يناير ٢٠١٢

والتاريخ علمنا إن في أي وقت وأي مكان في ناس بتقدر تنجح وسط ما كل الناس متصورة العكس

متخليش عقلك يسجنك بافكار عن نفسك وعن الواقع مالهاش أي أساس من الصحة

بدعوك دلوقتي تشترك في

Passion To Profit Online Course

http://www.tohami.com/p2p-course

وتبدأ تحقق حلمك في إنك تعيش حر نفسك من خلال مشروع خاص في مجال إنت بتحبه

خلي_شغفك_شغلك#

محمد تهامي