Return to site

وفرة الفكر أم وفرة التمويل؟

معظم الناس اللي بتفكر تبدأ مشروع خاص بيكون أكبر تحدي بيواجهها هو التمويل

بس هل فعلا المشكلة في التمويل ولا المشكلة الرئيسية هي أسلوب التفكير؟

عادة إنت محتاج تغير من قناعات وسلوكيات وأسلوب تفكير هو اللي مخليك مش عارف تبدأ صح

بتصر إنك تبدأ مشروع بحجم أكبر من قدراتك وإمكانياتك وخبراتك الحالية ... بدل من البداية بشكل بسيط في حدود المتاح واختبار كفاءة فكرتك ومشروعك قبل النمو والتوسع

كل الناس اللي ابتدوا مشاريع في
Passion To Profit Community
ماحتاجوش رأس مال ضخم نهائي

ليه؟

لإنهم طوروا من فكرهم ونظرتهم للأمور وأصبح عندهم مرونة كبيرة في اختيار فكرة المشروع المناسبة … والبداية بشكل صغير في حدود الإمكانيات المتاحة … وبعدين يكبروا واحدة واحدة مع البزنس بتاعهم

لو لاقيت نفسك طول الوقت بتقول أنا محتاج فلوس علشان أعمل كذا أو أنا مش معايا فلوس علشان أقدر أعمل كذا … يبقى اللي إنت مفتقده فعلا هو مرونة الفكر والقليل من الإبداع في استخدام الموارد المتاحة تحت إيدك بالفعل

وفرة الفكر أهم مليون مرة من وفرة الفلوس

ودي صفة أساسية في رائد الأعمال الناجح … إنه عمره ما بيغلب … دايما بيلاقي سكة وبيتصرف في حدود المتاح

العالم بيتغير وفي دلوقتي أدوات جديدة بتخلي أي حد يقدر يبدأ بإمكانيات بسيطة جدا وبجودة عالية جدا

الشركات العملاقة وميزانيات التسويق الضخمة ورؤوس الأموال الكبيرة ده عالم من الماضي

المستقبل كله للشركات المرنة اللي عندها القدرة على تحقيق أرباح كبيرة بامكانيات بسيطة

المستقبل للمشاريع اللي بتخلي أصحابها عايشين حياتهم باستمتاع مش عايشين ٢٤ ساعة في ضغط الشغل

المستقبل للتكامل والتناغم بين الشغل والحياة الشخصية وما تكونش أبدا مضطر طول الوقت تعيش باسلوب مفروض عليك ... سواء بسبب وظيفة مش حاببها أو مشروع خاص بدأته بحجم ضخم ضاغط عليك ومش مديلك مساحة تتنفس

...افتكر

الوفرة الحقيقية هي وفرة الفكر … قبل ما تكون وفرة الفلوس

خلي_شغفك_شغلك#
محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly