Return to site

أيهما أخطر … الوظيفة أم ريادة الأعمال؟

من أكبر الأسباب اللي بتخلي الناس تخاف إنها تبدأ مشروع خاص وتتمسك بالوظيفة رغم المعاناة فيها، هو الخوف من الفشل. لأن في انطباع عند كل الناس إن ريادة الأعمال مليانة بالمخاطر والتحديات

 

في المقالة دي أنا عاوز أنورلك زاوية واحدة بس ممكن متكونش واخد بالك منها

 

الوظيفة بلا أدنى شك هي الأكثر استقرارا

 

لأنك عارف هتقبض كام كل شهر ومتعود على طبيعة الشغل اللي بتعمله كل يوم و عندك مسؤوليات معروفة ومحددة … إلخ

 

و كمان دخلك ثابت بغض النظر الشركة اللي إنت شغال فيها أرباحها بتزيد أو بتقل

 

...لكن خدها قاعدة

 

!الإستقرار أخطر بكتير من التغيير

 

الشخص المتعود على الاستقرار والحياة الروتينية أي تغيير بسيط بيتسبب في كارثة بالنسباله

ولذلك الوظيفة أخطر بكتير من ريادة الأعمال … لسببين من واقع اللي قولناه حتى الآن…

 

السبب الأول، إنك مش متحكم في دخلك … لو شركتك بدأت تخسر أو حصل أي تغيير في الإدارة إنت ممكن تكون أول واحد بيمشوه حتى لو كنت ممتاز في شغلك

 

وهنا ييجي السبب التاني … إنك متعود على الاستقرار فلو مشوك بشكل مفاجئ هتحس إن الدنيا إنتهت وممكن تتعرض لأزمة كبيرة

 

ريادة الأعمال صحيح فيها تحديات كبيرة … ومحتاجة حد يكون متعود على التغيير والتكييف مع المفاجآت يمكن بشكل يومي .. لكن في الآخر عندك القدرة إن يكون عندك مصادر دخل متعددة وبالتالي بتكون في وضع أكثر أمانا بكتير من الموظف

 

ده طبعا بالإضافة إنك بتتعب على حاجة بتاعتك وبتكبر حلمك

 

بس أنا مش بقولك سيب شغلك وإعمل مشروعك الخاص بكرة الصبح …


أنا معملتش كدة ومقدرش أنصحك بكدة، رغم إني شوفت الفرق الكبير بين العالمين

 

اللي بنصحك بيه في فلسفة
Passion To Profit
إنك تبدأ تسعى علشان تبني مشروع صغير جنب شغلك الحالي في مجال إنت بتحبه… وده اللي بسميه
The Side Business

 

الميزة الأولى إن وجود مشروع خاص مهما كان صغير بيزود جدا من درجة الأمان لإنك دلوقتي بقى عندك أكثر من مصدر للدخل

 

الميزة التانية، بتعود نفسك شوية بشوية على شخصية رائد الأعمال

 

الميزة الثالثة، إن لما مشروعك الصغير يبدأ يكبر ومؤشراته تكون مبشرة تقدر ساعتها تسيب الشغل وتتفرغ لمشروعك الخاص وإنت مطمئن ومن غير أي مخاطرة بمسؤولياتك والتزاماتك

 

ريادة الأعمال عالم جميل ورائع والأحلام فيه مالهاش سقف

 

بس أهم حاجة تعرف تدخل العالم ده صح إزاي، علشان مايكونش فيه مخاطرة كبيرة

 

خلي_شغفك_شغلك#

broken image
broken image