Return to site

محتار ومش عارف شغفك ممكن تعمل بيه إيه؟

"أحد قوانين الطبيعة بيقول: "كل شئ في الطبيعة بيتكاثر من نفس نوعه

يعني شجرة التفاح أصلها بذرة تفاح صغيرة جدا

معظم الناس بتنسى القانون ده وهي بتحاول تحقق أهداف مهمة ليها


بتبقى مستصغر البذرة اللي هتزرعها ومش شايف إزاي ممكن البذرة الصغيرة دي تبقى شجرة كبيرة

لكن الكون فيه قوانين مذهلة … البذرة الصغيرة جدا ممكن تبقى شجرة ضخمة جدا ... تأكل الناس من خيرها لسنين طويلة

البذرة اللي بنبدأ بيها رحلة مشروعك الخاص في
Passion To Profit
هي شغفك .. الحاجة اللي انت بتحبها جدا

بشوف ناس كتير محتارة وبتقول أنا لسة متلخبط ومش عارف شغفي إيه … ولما بتكلم مع الشخص بيكون شغفه واضح جدا … فبقوله طيب ماهو باين جدا إنك بتحب المجال ده قوي... إنت متلخبط ليه بقى

"فالإجابة الصادمة بتكون ... "فعلا ده حقيقي بس أنا ممكن أعمل إيه بالشغف ده

بيبقى مش مصدق إن البذرة دي ممكن تتحول لمشروع كبير يفيد الناس

بس في الحقيقة كل قصة نجاح خرجت من
Passion To Profit
بتثبت للدنيا كلها إن أي شغف مهما كان بسيط ممكن يبقى حاجة عظيمة جدا


يعني مثلا المشروع التاني اللي عملته من شغفي للشطرنج … مين ممكن يصدق إن لو شغفك الشطرنج ممكن يبقى في يوم من الأيام أول وأكبر أكاديمية في مصر لتعليم الشطرنج للأطفال كوسيلة لتنمية وتطوير شخصيتهم

شغفي للشطرنج كان مجرد بذرة … ولما راعيتها بتطبيق خطوات
Passion To Profit System
اتحولت لمشروع صغير بيكبر يوم بعد يوم و خيره بيفرق في حياة ناس كتير

إنت كمان شغفك مجرد بذرة … طبيعي جدا تبقى مش شايف ممكن ازاي يتحول لمشروع ناجح … لكن قانون الطبيعة هو الحاكم

لو عاوز تجني الثمار لازم تراعي البذرة … لإن كل شئ بيتكاثر من نفس نوعه

البذرة دي لازم هتتكاثر وتكبر وتتحول لشئ مبدع ومفيد للناس … والشئ ده هيبقى من أصل البذرة الصغيرة اللي زرعتها وراعيتها من البداية

شغفك غالي وحياتك أغلى … بلاش تضيعها في وظيفة مالهاش معني بالنسبالك

خلي_شغفك_شغلك#
محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly