Return to site

إنت حياتك أصل و لا صورة

بقلم : وسام نبيل

هو إنت حياتك أصل ولا صورة ؟؟؟

سألت نفسك قبل كده السؤال ده ؟؟؟

إنت شايف حياتك شكلها إيه ؟؟؟ هل هى مجرد صورة مكررة من حياة بقية الناس اللى حوالييك

الحياة و الوظيفة التقليدية الروتينية المعتادة

مقيد نفسك فى عمل نفس الشىء كل يوم

من الشغل للبيت و من البيت للشغل

يومك بيتكرر

النهارده زى امبارح زى بكرة زى بعده

ولا حياتك أصلية ..اللى فيها شغفك هو اللى بيحركك.. إنت بتكون المتحكم الوحيد في الحياه دى ..عايش بشروطك إنت ..بتخطط و بتسعى لتحقيق أهدافك و أحلامك إنت .. عايش شغفك و شايفه بيكبر و اللحظة اللى بتقضيها فى شغفك بتبقى أحلى و أجمل من اللى قبلها

و ده بالظبط اللى نظيرة البغدادى اختارت يكون شكل حياتها إنها تعيش حياتها بأسلوبها و رفضت تعيش حياة و كأنها صورة من حياة بقية الناس

و قررت تخرج خارج حدود الوظيفة التقليدية و تعيش شغفها

أولا نظيرة مهندسة معمارية لكن شغفها هو التصوير

بعد إنتهاءها من دراستها فى الهندسه قضت حوالى اكتر من 10 سنين شغل فى مجال الهندسة

لم تكتشف حبها الشديد للتصوير من البداية كان التصوير بالنسبالها مجرد هوايه بجانب شغلها كانت بتستمتع بمارسته فى الأجازة الأسبوعية

بالأضافة الى إنها كانت بتستخدمه بحكم شغلها لتصوير المشاريع المعمارية الخاصة يها

فى 2009 و أثناء حضورها لسيمينار لمصور معمارى بدأت يلفت نظرها و يشدها فكرة دمج العمارة بالتصوير وإزى ممكن بالعمارة تقدر تستغلها فى التصوير.. إيه اللى ممكن يكون حلقة الوصل اللى تقدر تربط ما بينهم

حبيت تتعلم و تدرب نفسها كتير و بدأت تتعرف و تحتك بالمصورين اللى ليهم خبرة فى المجال و كونت علاقات طيبة بينهم

و ده فى حد ذاته ساعدها إنها تكتسب خبرات منهم و تشارك فى مسابقات و مع سعيها المستمر إتفتحت فرص كتيرة قدامها

و واحدة من الفرص الرائعة إنها تلقت دعوة إنها تكون من ضمن الحكام فى مسابقة تصوير فى الأردن و بعدها بسنه تلقت دعوة تانية إنها تكون ضيف شرف وتمثل مصر فى مهرجان بالإردن.

نقطة الإنطلاق

نقطة الإنطلاق بالنسبة لنظيرة لما أدركت وقتها إن فى شىء مختلف و تغيير بيحصل فى حياتها وإن التصوير بقى مش مجرد هوايه بتمارسها فقط بجانب شغلها لا ده تحول لشغف و هوس و صعب جداااا إنها توقفه و إتأكدت من ده بعد حضورها لكورس

passion to profit

و فى لحظة إكتشافها ده قررت إنها تعيش كل دقيقة من حياتها بشغف و تختار إن شغفها يكون هو شغلها و فى سنه 2014 قررت إنها تستقيل من

شغلها كمهندسة معمارية و تبدأ تخلق لنفسها حياه

حياة بشروطها و إسلوبها حياه حقيقية و أصلية مع شغفها التصوير

نظيرة حاليا مصور حر و هى شريكة فى تأسيس 

art of seeing center

 هو مكان شامل لكل ما هو له علاقة بالفن 

و بتساعد كمان فى تعليم التصوير للشباب الصغيرمن خلال كورس

photo gate for teens

و ممكن تتابعوا كل إبداعتها من خلال صفحتها على الفيس بوك من هنا

او موقعها الإلكترونى من هنا

إعرف إنك إنت المتحكم فى حياتك

يا إيما تختار ترسم حياتك زى ما إنت عايز و تكون أصلية

يا إيما تكون مجرد صورة مكررة و تقليد من ناس تانية

Passion To Profit Online Course

اكتشف منظومة فريدة من ٤ خطوات، هي الأكثر أمانا وسهولة

في العالم، هتساعدك تكتشف شغفك وتحوله لمشروع ناجح

بأقل رأس مال وفي أسرع وقت ممكن حتى لو بتبدأ من الصفر

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly