Return to site

السؤال اللي هيفتحلك كل أبواب النجاح

عادة لو في أي حاجة إنت نفسك تعملها ومش قادر بيكون السبب إن في أعذار وتحديات كتير مش عارف ممكن تتغلب عليها إزاي

وبالتالي بتبقى مش عارف تعمل إيه ومش بتكون واثق إنك تقدر تنجح مع غياب الحلول

الغريب بقى إن دماغك بيدور فيها أسئلة كتير جدا وبتنسى تسأل نفسك أهم سؤال على الإطلاق واللي لو سألته هتقدر تنجح وتحقق أي هدف بتتمناه

:يعني لو مثلا نفسك تبدأ مشروع خاص وبتفكر في الآتي

أجيب فلوس منين؟ -
ألاقي وقت إزاي جنب شغلي؟ -
ظروف البلد مش مناسبة، إيه الحل؟ -
إيه فكرة المشروع اللي ممكن أنجح فيها -
أنا خايف من الفشل وأبقى خسرت شغلي وفلوسي -
أنا معنديش خبرة في البزنس -
أنا معنديش شهادات تؤهلني أبدأ مشروع في المجال -
إلخ ... -

كل دي تساؤلات وأعذار وتحديات إنت مش عارف تتعامل معاها إزاي

لكن في سؤال واحد لو سألته كل الأعذار دي مش هيكون ليها أي وجود

...السؤال ده هو

"هل في حد قدر يحقق الهدف اللي أنا عاوزه في وجود العذر ده؟"

...يعني مثلا

"أنا محتاج فلوس علشان أبدأ مشروع"

هل في حد فتح مشروع برأس مال قليل جدا أو حتى من غير رأس مال خالص؟

!طبعا ممكن تكون مش عارف … بس ببساطة اسأل جوجل

لو بحثت هتلاقي مثلا كتاب اسمه
The $100 Startup
واللي بيحكي قصص لناس بدأوا مشاريع ناجحة جدا بأقل من ١٠٠ دولار

...مثال تاني

"أنا معنديش وقت … شغلي واخد كل وقتي ومجهودي"

هل في حد قدر يفتح مشروع جنب زحمة الشغل؟

لو بحثت هتلاقي أمثلة كتير لناس فتحت مشاريع ناجحة جنب شغلها … اضغط هنا
http://learn.tohami.com
واتفرج على أمثلة لقصص النجاح اللي خرجت من
Passion To Profit
وإزاي بدأوا مشاريعهم وسط زحمة الشغل والبيت والمسؤوليات

أي تحدي واقف قدامك … أسأل نفسك … هل في حد قدر ينجح بالرغم من وجود التحدي ده في حياته

ابحث وشوف غيرك عمل إيه وإنت هتكسب ثقة كبيرة إن إنت كمان تقدر … لإن ببساطة الفرق ما بينك وبين اللي قدر ينجح هو فكرة … فكرة واحدة ساعدته إنه يتغلب على العذر ده وينجح

لو عرفت الفكرة … هتقدر إنت كمان توصل لنفس النتيجة

خلي_شغفك_شغلك#
محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly