Return to site

سر حل أي مشكلة مهما كانت كبيرة

"إزاي تواجه أي مشكلة مهما كانت كبيرة؟"

يا ترى إيه أصل أي مشكلة؟

أو بمعنى آخر ليه بتحصل للواحد مشكلة؟

!ببساطة سبب أي مشكلة هو إنك أقل من الحدث

يعني حصل موقف معين فوق إمكانياتك وخبرتك على التعامل معاه

معندكش رصيد من العلم أو الخبرة أو القدرة يساعدك على التعامل مع الموقف … فبالتالي بتقول أنا عندي مشكلة

لو المشكلة عبارة عن حاجة مش حلوة حصلت بس إنت عارف كويس هتتعامل معاها إزاي يبقى دي متعتبرش مشكلة … المشكلة اللي بقصدها هنا هو الموقف اللي بيحصلك وإنت مش عارف تعمل فيه إيه

...لو عاوز تحل أي مشكلة مهما كانت يبقى مافيش غير حل واحد بس وهو

!إنك تكون أكبر من المشكلة

يعني تبقى على استعداد إنك تكبر من رصيد العلم والخبرة اللي عندك علشان تعرف تتغلب على المشكلة

:وعلشان تكبر من رصيدك في طريقين

١. العلم

يعني تتعلم عن الموضوع أكتر وتعرف أبعاده وتبحث في حلول مختلفة وتشوف الناس اللي اتعرضت للمشكلة دي قبلك عملوا إيه وحلوها إزاي … لو دخلت على جوجل وكتبت "حل مشكلة [كذا]" هتلاقي مليون مقالة أو فيديو يساعدك

٢. العلاقات

يعني تلجأ لناس أكتر خبرة منك وتطلب منهم المشورة والمساعدة علشان أكيد لوحدك مش هتعرف تعمل كل حاجة

العلم والعلاقات سلاحين هيساعدوك تتغلب على أي مشكلة مهما كانت

في

Passion To Profit

القصة مش كورس وخلاص … الموضوع أكبر من كدة بكتير

إحنا عارفين إن في رحلتك لتحويل شغفك لمشروع خاص وترك الوظيفة اللي مش بتحبها أكيد هتواجه مشاكل وتحديات كتير

ومعظم المشاكل دي مالهاش دعوة بتقنيات بدء المشروع نفسه … لكن بتكون بسبب إن الرحلة ومتطلباتها جديدة عليك ... وبسبب عادات أو موروثات أو بيئة غير مشجعة بتعيقك أثناء رحلتك

علشان كدة بنينا مجتمعنا الاستثنائي اللي بتتعرف فيه على ناس جديدة كلها أمل وبتشاركك نفس الحلم … ناس سند لبعض وعاوزة الخير لبعض بدون أي مقابل

"بنسميها "العزوة

الكلمة اللي نسيناها من زمان وبقى كل واحد فاكر إنه يقدر يعمل كل حاجة لوحده. وكتر خير التحفيز العشوائي اللي زرع في عقول الناس الفكرة دي

...افتكر

بالعلم السليم والعلاقات القوية … "العزوة" ... هتقدر تواجه أي مشكلة مهما كانت

وهتقدر تحقق أهداف وإنجازات كبيرة في حياتك

*ملحوظة: ماتنساش تدعي ربنا يهديك للعلم النافع والصحبة الصالحة اللي تعينك على تحقيق أهدافك *

خلي_شغفك_شغلك#

محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly