زي ما إنت عارف الساعات السويسرية من أشهر الساعات في العالم … ولما يكون عندك شغف للساعات هتكون المنافسة في المجال ده شبه مستحيلة
ولكن ماكسيميليان بوسر كان عنده رأي تاني
وبيثبت مرة تانية إيماننا في
Passion To Profit
إن أي شغف ممكن يتحول لمشروع ناجح مهما كان غرابته أو شدة المنافسة فيه
ماكسيميليان بوسر هو مؤسس براند للساعات إسمه
Maximilian Büsser and Friends’ (MB&F)
فكرته ببساطة إنه شاف إن معظم مصنعي الساعات بيركزوا على غزارة الإنتاج والبيع في أسواق كبيرة وده بيسيب مساحة صغيرة جدا للابتكار
بوسر قرر إنه يكون مختلف ويصنع ساعات بتصميمات مبتكرة للغاية تخدم شريحة دقيقة جدا من الناس
الشريحة دي مش بتدور على الماركات الغالية ولكن بتدور على إنها تلبس ساعة مميزة ومختلفة … وعندها استعداد تدفع كتير مقابل كدة
بدأ بوسر يصنع ساعات في بيته وكان كل تركيزه في صنع قطع مبتكرة وجديدة
انهاردة ساعات
MB&F
بتتكلف من ٢٠ - ٤٠ ألف دولار
من أسرار نجاح بوسر إنه قرر يفضل حجمه صغير علشان يقلل العمالة ويكون عنده حرية حركة ومساحة كبيرة للإبداع
ومازال مستمر في قراره إنه يفضل حجمه صغير بالرغم من الضغط والطلب الكبير على ساعاته
!حجم إنتاجه حاليا هو ٢٢٠ ساعة في السنة فقط
اللي عمله بوسر ده دايما بننادي بيه في
Passion To Profit
المشاريع الصغيرة بتتيح ليك فرصة استمتاع أكبر بحياتك وبتديك مساحة أكبر للإبداع
كل خبراء رواد الأعمال بيقيسوا نجاح أي مشروع وفاعلية دراسة الجدوة بتاعته بقدرة المشروع إنه ينمو ويكبر بمعدل سريع
ولكن في معظم الأحيان بيكون سبب فشل المشاريع الناشئة هو النمو الزائد عن الحد وبيبدأ صاحب المشروع يفقد شغفه بسبب ضغط ومسؤوليات البزنس الكبير اللي بيديره ومشاكله اللي مابتخلصش
إبدأ صغير … وإفضل صغير … ولكن خلي تأثيرك كبير
وده عمليا بيحصل لما تستهدف شريحة دقيقة جدا بس عندها استعداد تدفع كتير جدا في اللي إنت بتقدمه لإنها مقدراه
فكر في استراتيجية
"صغير لكن مؤثر”
وإنت هتقدر تبني مشروعك ببساطة وأمان وفي نفس الوقت تستمر بالاستمتاع بشغفك وحياتك
لو عاوز تتعلم إزاي تعمل كدة، بدعوك للاشتراك في
Passion To Profit Online Course
خلي_شغفك_شغلك#
محمد تهامي