Return to site

خمس نصائح لا يمكن الاستغناء عنهم لضمان

اطلاق ناجح لمشروعك الخاص

على مدار الخمس سنين اللي فاتوا ساعدت المئات على انهم يبدأوا مشاريعهم الخاصة في مجالات كتير جدا منها ... ـ

الفنون، التكنولوجيا، الصحة والتغذية، الطب البديل، التصوير، الإعلام، صناعة الأفلام، السفر والمغامرة، الأزياء والموضة، الحرف اليدوية، الطبخ، الكتابة والثقافة، الترجمة، التجميل، الديكور، شؤون الأسرة والطفل، التربية الإيجابية، الرسوم المتحركة، التأمل واليوجا، الرسم، المجوهرات، التدريب، الاستثمار، التنمية الذاتية وعلم النفس، تنظيم الحفلات والمؤتمرات، الرقص، اللياقة البدنية، المبادرات المجتمعية، أنواع مختلفة من الرياضات و الفنون القتالية، الإبداع، الألوان، العقارات، التعليم، تمكين المرأة، التعليق الصوتي، الألعاب، وغيرها كتير

في المقالة دي عاوز اقولك على ٥ نصايح مهمة جدا علشان تضمن اطلاق آمن وناجح لمشروعك الخاص

*١*

ابدأ مشروعك في مجال بتحبه مش مجال بيجيب فلوس وخلاص

رحلة التغيير بيكون فيها تحديات كتير. لو مش بتستمتع بكل خطوة بتعملها مش هتقدر تكمل

وعلشان تنجح وتترك أثر قوي لازم تبدع ... وعمرك ما هتقدر تبدع في مجال أفضل من مجال انت بتعشقه ومهووس بيه

ممكن يكون في مشاريع انت شايف انها هتجيب فلوس أسهل وأسرع. بس اسأل نفسك انت عاوز فلوس بس والا عاوز حياة وانجاز تكون فخور بيه وتقدر من خلاله يكون دخلك أكبر وأثرك أكبر؟

طيب تعمل ايه لو انت محتار ومتردد بين كذا مجال؟

الحل السحري والجذري اللي اكتشفته لما تكون شاكك في مجال انه شغفك أو لأ هو إنك تكتب قصته


اكتب قصة كل مجال بدأ في حياتك ازاي واتطور ازاي ووصل لفين وايه التحديات اللي واجهتك وايه الانجازات اللي عملتها … الخ


القصة اللي هتلاقيها قريبة لقلبك وحاسس انها بتعبر عنك ونفسك تكملها يبقى هي مؤشر كبير على شغفك الرئيسي

*٢*

كوِّن شبكة علاقات قوية

لازم تدخل الوسط وتتعرف على ناس بتشاركك نفس الشغف وكمان تتعرف على ناس ناجحة في المجال وتخليهم يؤمنوا بيك وبحلمك ويكون عندهم استعداد يساعدوك بحب واخلاص

متقلقش الموضوع مش صعب زي ما انت متخيل حتى لو كنت انطوائي زي حالالتي. بالعكس بقى الانطوائيين هما اكثر الناس اللي بتقدر تعمل علاقات ناجحة. صحيح علاقاتهم قليلة ولكنها عميقة جدا.

لأهمية الموضوع ده وتأثيره عليا أنا شخصيا نشرت كتاب بعنوان

StoryNetworking: A Proven 4-Step System To Connect with Successful People

الكتاب موجود على

Amazon.com

أو في مقر شركة

The Passion Point

بمساكن شيراتون مصر الجديدة

تكوين شبكة علاقات قوية وإن يكون حواليك ناس يدعموك تكمن أهميتها في مواجهة الموجة العارمة في عالم التنمية البشرية اللي بتفضل تنفخ فيك تقولك انك كلك معجزات وانك تقدر تحقق لوحدك المستحيل بايمانك ويقينك وعزيمتك وانك أقوى من أي ظروف وأقوى من أي محبطين وسلبيين حواليك

مافيش حد لوحده يقدر يحقق أي حاجة

ده حتى الأنبياء اللي بيدعمهم ربنا كان معاهم صحبة واقفة معاهم وبتنصرهم

*٣*

اتقن اساسيات التجارة و إدارة الأعمال

أخطر حاجة انك تبدأ مشروع خاص في يوم وليلة وانت لسة بتفكر بعقلية الموظف

دي الرسالة الأساسية لمدربي الشخصي (سنة 2016) وأسطورة ريادة الأعمال و المشاريع الصغيرة في العالم مايكل جربر في كتابه
The E-Myth

واللي يعتبر أنجح كتاب في البيزنس في التاريخ …

فكرة الكتاب قائمة على ان أكبر سبب لفشل المشاريع الناشئة هي
"Most entrepreneurs are merely technicians with an entrepreneurial seizure"

بمعنى ان صاحب المشروع بيظن انه هينجح لمجرد انه بيفهم كويس جدا (بشكل تقني وعلمي) في المجال اللي هيبدأ فيه مشروعه
وده ظن خاطئ تماما لأن الخبرة العلمية حاجة والخبرة التجارية حاجة تانية خالص ومحتاجة لإعداد وتأهيل

مرحلة الإعداد دي بتتمثل بشكل رئيسي في الانتقال من مرحلة الموظف لمرحلة التاجر (رائد الأعمال في ابسط صوره) اللي فيها بتتعود على طريقة تفكير رائد الأعمال وتحمل المسؤولية وبتتقن الركيزتين الأساسيتين لنجاح أي مشروع وهما: المنتج و البيع

التاجر المحترف بيعرف يوجد أو يصنع المنتج اللي بيسد احتياج عند شريحة معينة في السوق وكمان بيعرف ازاي يسوق ويبيع المنتج ده

من غير المهارتين دول لا يمكن تخاطر بالدخول لعالم ريادة الأعمال بصورة كاملة

شوف مايكل جربر قال إيه عن منظومة

Passion To Profit®

*٤*

توظيف شغفك في حل مشكلة محددة

المشاكل هي أكبر فرصة للنجاح. كل ما زادت المشاكل في مجتمع ما، كل ما زادت فرصة نجاح المشاريع الناشئة. لأن سر نجاح أي مشروع هو انه يقدر يحل مشكلة كبيرة بافضل طريقة ممكنة

وأفضل مشكلة ممكن تحلها هي مشكلة انت تعرضتلها شخصيا وبالتالي مهموم بمساعدة الناس التانية اللي بتعاني من نفس المشكلة

لو المشروع بتاعك بتقدم فيه قيمة مرتبطة بتجربة شخصية ليك هيكون في روح وقوة هتظهر جدا وهتوصل للناس بسهولة وبدرجة عالية جدا من المصداقية

أحد أهم الأسئلة اللي لازم تجاوب عليها على الإطلاق هو سؤال

”مين … هيدفعلي … مقابل ايه؟“

السؤال ده أنا بسميه

The Blue Hole Question®

انت عارف ان منطقة البلو هول في دهب دي أعمق وأخطر منطقة غطس في العالم. مات فيها حوالي ١٣٠ شخص أو أكثر بدون أي سبب واضح

السؤال ده رغم بساطته لكنه خطير لأنك لو مجاوبتش عليه صح مش هتقدر تبدأ مشروع ناجح

لازم تجاوب على الثلاث أجزاء دول "مين ... هيدفعلي ... مقابل ايه" ... لأنهم هيساعدوك تبدأ مشروع تتميز بيه وتتفوق تماما على أي منافسة موجودة في السوق وتقدر تظهر بوضوح نقاط تميزك وتحدد استراتيجية نجاح مشروعك. لأنك هتوظف شغفك بشكل فيه فايدة كبيرة ومميزة جدا لشريحة محددة من الناس وبالتالي هتكون الشخص المفضل بالنسبة ليهم انهم يتعاملوا معاك دونا عن أي منافس تاني

*٥*

البدايات الصغيرة هي سر النهايات الكبيرة

في منظومة

Passion To Profit®

بتتعلم حاجة مهمة بسميها

The Minimal Business Formula®

فكرة الـ
Minimalism
تكمن في انك ترجع الشئ لأصوله الأساسية اللي لا يمكن الاستغناء عنها
وبالتالي هتقدر من خلالها تبدأ مشروعك بأقل تكاليف ممكنة وبمعدلات نجاح ونمو كبيرة

تاني مشروع أطلقته في سنة ٢٠١٥ وهو
Chess Your Child
بدأ بتكلفة ٣،٥٠٠ جنيه فقط لاغير

انت كمان تقدر تبدأ مشروعك بأقل التكاليف وبصورة بسيطة ولكن فعالة عن طريق ايجاد المنتج أو الخدمة المناسبة ثم احتراف طريقة التسويق والبيع الفعالة والناجحة

الميزة في انك تبدأ بحجم صغير وبسيط هو انك تقدر تبدأ بسرعة وتدير مشروعك جنب شغلك الحالي لغاية ما تتقن إدارته وتتأكد من نجاحه وفرص نموه قبل ما تسيب الشغل وتتفرغله

انت أصلا ممكن متكونش أولوياتك دلوقتي مشروع ضخم يجيب ملايين. ممكن ببساطة يكون كل هدفك انك تبدأ مشروع صغير يدخلك ١٠ أو٢٠ أو ٣٠ ألف في الشهر زي ما انت عاوز وتكون مرتاح جدا وعايش مبسوط بانك حر نفسك وبتبدع في المجال اللي انت شغوف بيه

النوع ده من المشاريع بيسموه بره
The Lifestyle Business
المشروع اللي انت بتعمله علشان تكسب الفلوس اللي تخليك تستمتع بحياتك بالطريقة المناسبة ليك

اتمنى المقالة دي تكون اديتلك فكرة واضحة ومبسطة تساعدك تحقق حلمك وتبدأ مشروعك الخاص بنجاح علشان تعيش حياتك بشغف وسعادة وحرية وتبدع في اللي انت بتقدمه وبالتالي يكون دخلك أكبر وأثرك أعظم وتكون فخور بحياتك وانجازك وأثرك

خلي_شغفك_شغلك#

Passion To Profit Online Course

اكتشف منظومة فريدة من ٤ خطوات، هي الأكثر أمانا وسهولة
في العالم، هتساعدك تكتشف شغفك وتحوله لمشروع ناجح
بأقل رأس مال وفي أسرع وقت ممكن حتى لو بتبدأ من الصفر

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly