Return to site

المبدأ الأساسي لو عاوز تبقى غني

في عالم المال في طرق كتير جدا للغنى وتكوين الثروات

لكن يظل في مبدأ واحد فقط هو الحاكم

...المبدأ ده هو

"اصرف أقل مما تكسب"

مبدأ في منتهى البساطة … ورغم إنه منطقي جدا ومافيش حد يختلف عليه، إلا إن الغالبية العظمى من الناس مش بتطبقه

بيحاولوا بشتى الطرق إنهم يزودوا دخلهم ويكسبوا فلوس أكتر بس في النهاية بيعملوا أخطاء كتيرة وكبيرة بتخليهم في معاناه مستمرة مع الفلوس

الناس بتمشي ورا الموضة وتنسى المبادئ الأساسية اللي بتحكم الأمور

مهما عملت واتبعت من أساليب قديمة أو حديثة … هيظل المبدأ البسيط ده هو الحاكم لو عاوز تبقى شخص غني

البزنس نفس الحكاية

أنا مؤمن تماما إن البزنس بسيط وآمن جدا على عكس ما يتردد في أوساط ريادة الأعمال

البزنس ليه مبدأ بسيط جدا هو الحاكم

"حل مشكلة مقابل ربح"

لو قدرت تقدم منتج أو خدمة (عرض) يحل مشكلة عند فئة معينة من الناس وعرفت إزاي تبيع العرض ده مقابل مكسب كويس يبقى إنت عندك مشروع ناجح جدا

شوف عالم البزنس مليان بطرق وأساليب ونصايح منها المعقد (وده الغالب) ومنها السهل … منها الموضة الجديدة ومنها الكلاسيكيات القديمة … لكن مهما إتقال في البزنس هيظل المبدأ ده هو الحاكم

حل مشكلة مقابل ربح

كم الأخطاء اللي الناس بتقع فيها وتتسبب في فشل مشاريعها غير عادي … ولو بصيت هتلاقي معظمها بسبب مخالفة صريحة للمبدأ البسيط ده

في
Passion To Profit
بسطنا البزنس لأي موظف مش مبسوط في شغله ومعندوش أي سابق خبرة في ريادة الأعمال

دلوقتي تقدر تطبق نظام مجرب من خطوات عملية محددة تقدر من خلاله تحول شغفك لمشروع ناجح بسهولة وأمان

وأهم حاجة الالتزام بالمبادئ البسيطة اللي تضمن النجاح … ناس كتير بيغرها البساطة وبتحاول تشوف ما هو أكثر تعقيدا علشان بيحسوا إنه هيكون أكثر جدية … لكن الحقيقة تبسيط الشئ هو عين العبقرية

"ألبرت أينشتين ليه مقولة بتقول، "العبقرية هي تبسيط المعقد

حتى لو هتروح للشئ المعقد إوعى تنسى المبادئ البسيطة الحاكمة علشان تتجنب الفشل

خلي_شغفك_شغلك#

محمد تهامي

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly