Return to site

أسوأ حاجة ممكن تحصل بتحصل دلوقتي بالفعل

لما فكرت أسيب الشغل علشان أبدأ مشروع خاص في مجال شغفي، من المخاوف اللي كانت عندي هو خوفي من الفشل

هعمل إيه لو فشلت ومشروعي قفل؟

ده سؤال أكيد بيدور في بالك خصوصا لو عندك بيت وأولاد زيي

وبعدين فكرت هو إيه أسوأ حاجة ممكن تحصل

هفشل؟

طيب وهل لو كملت في وظيفة مابحبهاش وكل يوم بعيش باسلوب مفروض عليا ودايما في سقف لدخلي وطموحي ... هل ده يعتبر نجاح؟

...الإجابة بالنسبالي كانت قاطعة

"!ده عين الفشل"

وطالما أسوأ حاجة ممكن تحصل بتحصل دلوقتي بالفعل، يبقى أنا على الأقل لازم أخد الإجراءات اللازمة علشان أحقق حلمي

:وعلشان أقلل نسبة المخاطرة والفشل عملت الآتي

١. بدأت مشروعي الخاص جنب الشغل الأول

٢. حوشت مبلغ يغطي مصاريفي والتزاماتي لمدة ٨ شهور

٣. انتظرت لغاية ما البزنس بتاعي كانت أداؤه ثابت وواعد وتقريبا بيدخلي ٦٠٪ من مرتبي بشكل مستمر

وقتها نفذت القرار بشكل حاسم ... بالرغم إن التوقيت كان من أغرب ما يكون ... يناير ٢٠١٢ ... بعد الثورة بسنة ... توقيت أي حد يفكر فيه يسيب شغله علشان يعمل مشروع خاص يعتبر مجنون

الكل كان ضدي، لكن ربنا زرع جوايا يقين إن ده أنسب وقت ... أصل الواحد لو فضل مستني الوقت المناسب عمره ما هييجي

وخطوة إنك تستقيل من وظيفة بقالك فيها سنين وتعتمد على نفسك وتكون سيد قرارك خطوة مش سهلة ... وعمر ما هتلاقي الظروف مهيأة ليك بالكامل

المهم إنك تاخد الإجراءات الكافية علشان تأسس مشروعك بشكل ناجح وصحيح وتأمن نفسك بكل الطرق المتاحة

وهي دي الخبرة اللي بنقلهالك في

Passion To Profit Online Course

هتتعلم النظام المتكامل لتحويل شغفك لمشروع ناجح بسهولة وأمان

لتفاصيل الإشتراك اضغط هنا