"في مقابلة مع ريتشارد برانسون… سألوه: "إيه أول خطوة علشان تبدأ بزنس ناجح؟
"رد بدون تفكير: "أنا كل الشركات اللي أسستها كنت بحل من خلالها مشكلة مضايقاني جدا
مثلا… هو كان متضايق من مستوى الخدمة في خطوط الطيران وقتها… فقرر يعمل
Virgin Airlines
علشان يقدم الخدمة اللي هو نفسه كان بيدوّر عليها طول عمره
ونفس الفكرة كررها في كل شركاته… يا إما بيعمل تحسين جوهري في حاجة موجودة… أو بيخترع حاجة جديدة تماما
:الكلام ده بيكشف السر اللي دايما بقولك عليه
إن أفضل مشروع ممكن تبدأه مش فكرة عشوائية… ولا ترند لحظي… لكنه مشروع نابع من ربط شغفك بمشكلة إنت عانيت منها لسنين طويلة
لأن لما تبني بزنس من مشكلة عشتها سنين… بتكون فاهم مشاعر الناس اللي بيعانوا منها دلوقتي
بتكون عارف الحل اللي إنت زمان كنت محتاجه جدا
وساعتها بتطلع عندك ميزة تنافسية مش موجودة عند أي حد تاني: المصداقية… الشغف… والقدرة على الإبداع
خد بالك… ريتشارد برانسون شغفه الأساسي مش الطيران … شغفه الحقيقي هو الإبداع … إنه يخلق تجارب جديدة … و يحوّل المعاناة لتحسين جوهري
وده هو جوهر أي بزنس ناجح
:فاسأل نفسك دلوقتي
إيه المشكلة اللي عانيت منها لفترة طويلة؟
وإزاي ممكن تحوّل الحل اللي وصلتله لمشروع يخدم آلاف غيرك؟
السر مش في فكرة عبقرية … لكن في الشغف اللي بيحول ألم قديم لبزنس مربح ومستدام
.....وافتكر إن
المعاناة اللي كسرتك زمان… ممكن تكون هي نفسها مفتاح باب النجاح