"كنت فاكر إن لما يكون عندي بزنس خاص لازم اشتغل برضه من ٩ - ٥"
و إن النجاح في البزنس معناه إنك تقعد على مكتبك طول اليوم تشتغل
لكن أول ما دخلت عالم ريادة الأعمال، اكتشفت إن الأمر مختلف تماما
أول صدمة: الحرية الكاملة!
بعد ما استقلت، فجأة لقيت نفسي حر
مافيش مواعيد ثابتة
مافيش مدير بيطلب مني تقارير
ومافيش جدول مفروض عليّا
كنت أنا اللي بخطط يومي وبحدد أولوياتي
لكن الحرية دي ما كانتش سهلة زي ما توقعت
في البداية، كنت بحاسب نفسي على كل دقيقة
كنت بقعد بالساعات على المكتب لمجرد إني أحس إني "شغال"
كنت بخاف أقوم أو أرتاح، علشان ما أحسش بالذنب إني مش منتج
لكن مع الوقت، اكتشفت إن ريادة الأعمال مش معناها إنك "تشتغل كتير" ... لكن إنك "تشتغل صح"
كنت محتاج أغير تفكيري تماما من موظف بينفذ مهام، لقائد بيخطط للمستقبل
بالإضافة لكدة ...
اكتشفت إني لازم أحل مشاكلي لوحدي
دلوقتي مافيش مدير تروحله وتقوله: "أنا عندي المشكلة الفلانية أعمل إيه؟"
إنت دلوقتي المدير!
يعني مثلا ...
في أول كام شهر بعد الاستقالة، حصلت حاجة ما كنتش متوقعها
90% من التعاقدات اللي كنت عاملها مع شركات تدريب اتلغت
البلد كانت لسة خارجة من الثورة، والشركات بدأت توقف ميزانيات التدريب واحدة ورا التانية
فجأة بقيت لوحدي، بدون وسطاء يجيبولي شغل
لكن بدل ما أستسلم، قررت أخلق شغل بنفسي
بدأت أتواصل مباشرة مع الشركات
قدمت نفسي كمدرب مستقل بدل ما أكون معتمد على شركات تدريب كوسيط
خطوة خطوة، بدأت أعمل تدريبات مباشرة مع العملاء، وده ساعدني أبني سمعة وشبكة علاقات أكبر
وفي نفس الوقت، رجعت أركز تاني على بيع البرامج والكتب الإلكترونية أونلاين
الجمهور الدولي اللي كنت ببني فيه من سنين كان مصدر دخل مهم في الوقت ده
أهم تحدي في ريادة الأعمال مش في طريقة الشغل نفسه، لكن في عقليتك
في ريادة الأعمال لازم تكون أنت القائد
أنت اللي بتاخد القرارات، وأنت اللي بتتحمل نتيجتها
محدش هيقولك تعمل إيه
عقلية القائد بتتطلب إنك تكون واثق في رؤيتك
وإنك تتحمل مسؤولية نجاحك أو فشلك
هي إنك تتعلم من كل تجربة
وتصمم طريقك الخاص بدون انتظار موافقة من حد
لو بتحلم تبني مشروعك الخاص، لازم تكون مستعد لتغيير طريقة تفكيرك
استعد تكون القائد اللي بيرسم طريقه بنفسه
في برنامج
Passion To Profit
هنساعدك تكتسب عقلية القائد، وتبني مشروع يعكس شغفك ويحقق رؤيتك
لمشاهدة فيديو بيشرحلك كل التفاصيل، اضغط هنا