النجاح دايما نادر
والناجحين دايما قليلين
ده مش صدفة، لكنه سنة من سنن ربنا في الكون
النجاح محكوم بقوانين واضحة، بس تطبيقها صعب جدا
حتى لما الناس تعرف القوانين، قليل جدا اللي بيقدروا يمشوا عليها
وعلشان كده النجاح هيفضل نادر، وصفوة الصفوة هما اللي يوصلوا ليه
لو فكرت في قانون بسيط زي الاستمرارية،
هتتعجب من عظمة تقديرات ربنا للكون
كل الناجحين بيقولوا إن الاستمرارية هي أحد أهم مفاتيح النجاح
لكن بالله عليك، إزاي واحد يعافر سنين وما يلاقيش نتيجة هيستمر؟
إزاي واحد يبقى بينه وبين هدفه خطوة، وبعدين يخسر كل حاجة في لحظة، هيقدر يكمل؟
إزاي واحد يجرب مرة واتنين وعشرة ولسه مش عارف يوصل، هيقتنع إنه لازم يستمر؟
أو حتى واحد حصلتله إعاقة تمنعه تماما عن حلمه، هيقدر يقف تاني ويكمل؟
قصص الناجحين مليانة مواقف فوق قدرة البشر على التصديق
مواقف يقول فيها المنطق: مستحيل الواحد يكمل
لكن الناجحين بيكملوا
لإن القوانين اللي بتحكم النجاح بتتجاوز المنطق البشري
وده لإن أهم قانون بين كل القوانين هو الإيمان
الإيمان بربنا و بنفسك و بحلمك
لو فقدت الإيمان، مستحيل تكمل
لكن لو عندك الإيمان، هتقدر تتحمل كل حاجة، وتنجح
أنا مش بقول الكلام ده علشان أحبطك
بالعكس، أنا بقولك إن عادي جدا لو واجهت تحديات غريبة ومش مفهومة
عادي لو حسيت إن الدنيا بتختبر إيمانك وصبرك
الاختبارات دي طبيعية جدا، وهي اللي بتصنع قصص النجاح العظيمة
إوعى إيمانك يقل
إوعى ثقتك بنفسك تتهز
اللي بيحصلك عادي جدا، وهيعدي
كل اللي عليك إنك تكمل
وصدقني، هتكون أسطورة يحكيها العالم في النجاح والإصرار
--
وعلشان إحنا فاهمين طبيعة رحلة النجاح، في برنامج
Passion To Profit
مش بنسيبك لوحدك
منظومة الدعم بتاعتنا بتقف معاك طول الطريق
ده مش مجرد برنامج تدريب بينتهي في وقت معين
إحنا معاك لحد ما تحقق حلمك، لإننا فاهمين إن الطريق فيه تحديات كتير
ولذلك دايما هتلاقينا في ضهرك
اعرف التفاصيل وانضم لينا من هنا