فيه صوت جواك بيقولك: "مش هقدر"
الصوت ده هو أكبر عدو لأي إنسان
الشك
الشك بيقف بينك وبين حلمك
وكل ما استسلمت ليه، بيكبر أكتر
ناس كتير بتضيع سنين عمرها بسبب الشك
واقف مكانك، بتقول لنفسك: "طب وبعدين؟ هينفع؟ مش هينفع؟"
وفي النهاية، ما بتاخدش أي خطوة جديدة
و النتيجة إن العمر بيجري، والحلم بيفضل مجرد حلم
أنا حكيت قصتي قبل كده كتير
إني كنت شخص انطوائي جدا
لكن حلمي كان إني أكون رائد أعمال
و شغفي كان في التحدث أمام الجمهور وتحفيز الناس
وبالتالي كنت في دايرة شك مخيفة
فضلت سنين أسأل نفسي:
"إزاي واحد انطوائي وطول حياته ماشي جنب الحيط ممكن ينجح؟"
لما برجع أفكر خرجت من الدايرة دي إزاي، بفتكر حاجتين:
الإيمان والحركة
لازم يكون عندك حلم كبير
وحلمك ده لازم يتغذى كل يوم
بالنسبالي كان مهم جدا أسمع و أشوف قصص نجاح لناس حققوا حاجة شبه حلمي
ده هيولد جواك الأمل باستمرار
ومع الوقت، حلمك هيبقى أكبر من أي شك
بس الحلم لازم يصاحبه حاجة تانية مهمة جدا
الحركة
الشك بيتغذى على الثبات
كل ما تفضل واقف مكانك، الشك هيزيد أكتر
إنما لو اتحركت… حتى لو خطوة صغيرة جدا… مع الوقت الشك بيبدأ يضعف
افتح كتاب
شوف فيديو
اتعرف على شخص
أي حاجة تقربك من حلمك، حتى لو شايفها صغيرة جدا ومش هتوصل لحاجة
"خف القدم ترزق"
الحركة بتخلق بركة وبتفتح أبواب الرزق
تخيل ...
حد بعتلي مرة وقال لي:
"أنا بقالي 7 سنين نفسي أشترك في برنامج Passion To Profit ... بس خايف ماعرفش أوصل لحاجة"
7 سنين بيحلم يعمل بزنس في حاجة بيحبها
بس 7 سنين ثابت ما بيتحركش
اوعى تعمل في نفسك كدة!
لإن زي ما بيقولوا العمر لحظة
إوعى تخلي آخر لحظة تكون مليانة ندم على اللي ما عملتوش!
--
لو بتحلم تعمل بزنس في حاجة بتحبها، برنامج
Passion To Profit
هو نقطة البداية
ده مش مجرد برنامج… ده نقطة تحول
لإننا بنكون معاك خطوة بخطوة، لحد ما تحقق حلمك
متضيعش وقت أكتر من كده
انضم لينا من خلال الموقع