Return to site

إزاي تخرج من دايرة التوهان

من الدروس المهمة اللي اتعلمتها في حياتي درس بيقول ان الشخص اللي هتكونه، هو الشخص اللي انت هتقرر انك تكونه

علشان كدة أنا قررت في يوم إني مش هكون موظف وإني هكون شخص صاحب مشروع خاص بغير من خلاله حياة ناس كتير وأضيف قيمة ومعنى كبير لحياتي وحياتهم

وبدأت رحلة السعي والتجربة والخطأ …

broken image

رحلة مليانة نجاحات وإحباطات واحتاجت صبر كبييييير (عشر سنين) لغاية ما أصبحت الشخص اللي قررت إني أكونه بفضل الله

إنت كمان لازم تخرج من دايرة التوهان وتقرر إنت عاوز تكون إيه

مش مهم القرار صح أو غلط …

المهم تاخد القرار وتبدأ تسعى

أثناء الرحلة هتعرف كتير عن نفسك وهتعدّل مسارك عن وعي وإدراك

الله يسامح الناس اللي زرعت في عقولنا إننا لازم يكون عندنا رؤية واضحة لحياتنا قبل ما نتحرك أو نسعى

الرؤية بتيجي بس مع السعي

أهم شئ إنك تقرر وتحس بالاتجاه اللي قلبك مايل ليه وتبدأ تسعى. حتى لو الرؤية مش واضحة … حتى لو مش عارف الطريق فيه إيه أو آخره إيه … حتى لو شاكك إنك ماشي صح

مش هتعرف إجابات الأسئلة اللي جواك غير لما تبدأ تسعى وتجرب

مافيش طريق غير كدة … ومافيش أمتع من كدة

عيش حياتك أكنها مغامرة ممتعة وبلاش تبقى شايل الهم قبل ما تاخد أي خطوة وبعد كل خطوة

عيش ببساطة واستمتع … وافتكر

”وأن ليس للإنسان إلّا ما سعى“

#خلي_شغفك_شغلك

Passion To Profit Online Course

broken image

اكتشف منظومة فريدة من ٤ خطوات، هي الأكثر أمانا وسهولة

في العالم، هتساعدك تكتشف شغفك وتحوله لمشروع ناجح

بأقل رأس مال وفي أسرع وقت ممكن حتى لو بتبدأ من الصفر