Return to site

النصيحة الذهبية لبدء مشروعك الخاص

لما تتأمل في قصص الناجحين بتلاقي الحكم والعبر اللي تقدر تسترشد بيها. وللأسف كثير من النصائح في عالم ريادة الأعمال بعيدة كل البعد عن واقع نجاح رواد الأعمال

في المقالة دي عاوز أقولك على أهم نصيحة لبدء مشروعك الخاص على الإطلاق. النصيحة دي من واقع قصة نجاح ثلاثة من أفضل رواد الأعمال في تاريخ البشرية

النصيحة الذهبية: إبدأ صغير

نصيحة إبدأ كبير علشان تفضل كبير دي قتلت أحلام ناس كتير وهي ملهاش أي أساس من الصحة

إينغفار كامبراد مؤسس أيكيا بدأ حياته ببيع علب كبريت. ولما فتح أول شركة كان بيتاجر في الكماليات قبل ما يبدأ في تجارة الأخشاب والأثاث

وارن بافيت واحد من أغنى أغنياء العالم بدأ حياته ببيع علب لبان! وبعدين وزع جرايد واشتغل في السمسرة مع والده

اللي كان بيميزه دايما إنه كل ما يحوش فلوس مهما كان المبلغ صغير، كان بيستثمرها في حاجة تجيبلوا دخل أكبر. وده خلاه يكوّن مبلغ ١٠٠ ألف دولار واللي قدر يدخل بيها بقوة عالم الاستثمار بعد تخرجه من الجامعة مباشرة

ريشارد برانسون مؤسس فيرجين كان بيعتبر أغبى طفل في فصله! بدأ نشاطه التجاري بيبيع عصافير الزينة لأنه لاحظ إن في إحتياج كبير ليها في الفترة دي بين العائلات والأطفال. وأول محل فتحه كان بيبيع فيه تسجيلات موسيقية وسماه فيرجين

أنا الحقيقة مش عارف نصيحة ابدأ كبير دي جابوها منين

المنطق بيقول إنك لا يمكن هتنجح على مستوى كبير لو مقدرتش تنجح على مستوى صغير

في
Passion To Profit
بعلمك إزاي تبدأ بالشكل اللي بسميه
The Side Business


عبارة عن مشروع صغير جدا، بتعمله جنب شغلك الحالي، بأقل رأس مال ممكن، وتقدر تديره لوحدك بدون الحاجة لأي موظفين أو فريق عمل كبير، وبتقدر تحقق مكسب كويس من خلاله. ولما المشروع يبدأ يكبر ومؤشرات نجاحه تتزايد، تقدر ساعتها تسيب شغلك وإنت مطمن إنك واقف على أرض صلبة وبدون أي مخاطرة بمسؤولياتك والتزاماتك الحالية

لكل اللي بيظن إنه محتاج فلوس كتير علشان يبدأ مشروعه الخاص

الفلوس عمرها لا كانت ولا هتكون عائق لبدء مشروعك الخاص

المهم تعرف إزاي تبدأ على قد إمكانياتك وتكون مرن في أفكارك

والأهم إن يكون عندك استعداد تبدأ صغير حتى لو إنت دلوقتي في شغلك مدير كبير

خلي_شغفك_شغلك#

broken image
broken image