الشغف أم الخبرة؟ أيهم أهم؟

تعمل مشروع في حاجة بتحبها ولا حاجة إنت شاطر فيها؟

...سؤال مهم جدا وبيحير ناس كتير

:في ٣ حالات

١. عندك شغف لمجال معين بس عمرك ما مارسته وماتعرفش هتكون شاطر فيه ولا لأ
٢. عندك شغف في مجال إنت شاطر فيه جدا وعندك فيه خبرة كويسة
٣. شاطر في مجال وعندك في خبرة بس مش هو ده شغفك

بالنسبة لمدرسة
Passion To Profit
الشغف هو الأساس

طبعا الحالة رقم ٢ هي الحالة المثالية. ولكن ممكن جدا تبدأ مشروع في مجال إنت بتحبه حتى لو مش شاطر فيه بنسبة ١٠٠٪ دلوقتي

لإن الشطارة والخبرة تكتسب إنما الشغف لأ. يعني إنت ممكن تبقى شاطر مع الممارسة والتدريب وهتقدر تبرع في المجال لو إنت فعلا بتحبه. لكن لا يمكن تحبب نفسك في مجال بالعافية

أنا شخص إنطوائي وكان لا يمكن يخطر على بالي إني ممكن أكون شاطر في الكلام قدام الناس. وعمري ما عملت كدة في حياتي. لكن كان دايما عندي حالة هوس كل ما أشوف شخص ماسك المايك وواقف يتكلم ويلهم الناس

لكن لما سعيت وسمعت لقلبي، قدرت أبرع في المجال وأكون من أحسن الناس فيه بالممارسة والتدريب

صحيح لو بدأت مشروع معتمد على الشطارة والخبرة ممكن تنجح، لكن دايما هيكون جواك فراغ وإحساس إن في حاجة ناقصة لإنك بتعمل حاجة إنت مش متحمسلها ومش بتضيف لحياتك معنى أو قيمة

فحتى بعد ما تنجح هتقف مع نفسك في يوم وتسأل ”وبعدين“ … هو أنا بعمل كل ده ليه؟

علشان كدة مهم جدا تبدأ مشروع في حاجة إنت بتحبها ويكون جواك حماس غير عادي وإنت بتمارسها. علشان يبقى شغلك فيه أكبر قدر من الاستمتاع والسعادة … مش بس فلوس وخلاص

لو عاوز تحول شغفك لمشروع ناجح بأسهل طريقة ممكنة، اتفرج على محاضرة مجانية بعنوان الطريق الآمن لريادة الأعمال
http://bit.ly/Tohami-Webinar

خلي_شغفك_شغلك#
محمد تهامي