Return to site

البداية الصحيحة لأي مشروع ناجح

لما حد بيسألني عن رأيي في فكرة مشروع معينة ردي دايما بيكون

!خليك مرن

عالم ريادة الأعمال بيركز جامد جدا على أفكار المشاريع ودراسات الجدوى ليها .. إلخ

وده بيخلي نظرتك محدودة وفرصك قليلة جدا

لإن لما تكون بتركز على فكرة بعينها ممكن تكون بتضيع على نفسك فرص أفضل بكتير … أو بيكون في تحديات كتير لتنفذ الفكرة دي فبتصاب باحباط وتظن إنك مستحيل تقدر تبدأ مشروع خاص غير بامكانيات كبيرة أو في بلد تانية

في مدرسة
Passion To Profit
البداية دايما بتكون من الشغف مش من الفكرة

الشغف قماشة واسعة ومرنة ممكن تتشكل لأي فكرة

فالبداية الصحيحة إنك تسعى وتشوف الناس اللي سبقوك وعندهم نفس الشغف عملوا منه إيه

إيه أفكار المشاريع اللي ليها علاقة بشغفك معمولة بالفعل مش بس في مصر … في العالم كله

لما تشوف أفكار كتير لمشاريع في نفس مجال شغفك هتبدأ تصدق إنك ممكن تحول أي حاجة بتحبها لمشروع ناجح

وهتكتشف إن الأفكار المحدودة اللي كانت عندك والمعتقد إن شغفك ميتعملش بيه غير الفكرة دي وبس هيتغير

كتير من الناس بيكون عندها تصور إن شغفها ميتعملش بيه غير حاجات معينة على حسب ما هو شايف حواليه أو اكتسب من خبرة في مجال وظيفته

لكن مجرد ما بيبدأ يسعى ويكتشف بالطريقة اللي بيتعلمها في
Passion To Profit
بيلاقي إن العالم ماليان أفكار ملهمة ومبدعة غير ما كان متصور خالص. وبالتالي بيكون عندك مرونة غير عادية وقدرة على توظيف شغفك بالشكل المناسب ليك واللي بيخليك تشتغله بصورة ممتعة وناجحة جدا

في البداية، متفكرش فكرة المشروع هتكون إيه. دور الأول على المشاريع الموجودة بالفعل ومنها هتكتسب المرونة الكافية اللي من خلالها هتقدر تعمل حاجة جديدة ومختلفة

#خلي_شغفك_شغلك

محمد تهامي

broken image