Return to site

...الناس دي بتنجح علشان

من واقع احتكاكي بالناس ومتابعتهم في تطبيق
Passion To Profit System

بشوف فرق جوهري بين الناس اللي بتنجح والناس اللي مش بتحقق أي حاجة

رغم إن الإتنين في نفس الوضع … عندهم نفس المعلومات ونفس الدعم

الفرق الكبير بينهم بيكون في الإيمان

إيمان الشخص بنفسه وبحلمه وإيمانه بالخطوات اللي هيمشي عليها علشان يوصل

أي حد بيشك ويفضل متردد ومشتت نفسه وعمال يفكر كتير مش هيوصل لأي حاجة

...الغريب بقى

إن اللي بيوصلوا ويحققوا إنجاز كبير بيسعوا ويتحركوا من غير ضمانات

إيمانهم بيخليهم متأكدين إنهم هيوصلوا وإن التراجع مش اختيار و إن النجاح مسألة وقت مش أكتر … وبيبقى عندهم إيمان إن الخطوات اللي هيمشوا عليها هتوصلهم لهدفهم … حتى لو مش شايفين بوضوح ده ممكن يتم إزاي دلوقتي

الناس التانية بتبقى مستنية ضمانات علشان تتحرك … عاوزين حد يضمنلهم النتيجة من قبل ما يسعوا ويجتهدوا. بيسمحوا للشك يتمكن منهم وبيترجموه على إنه حرص وتخطيط وإن الواحد لازم يحسب حساباته كويس وتكون الرؤية بالنسباله واضحة قبل ما يقدم على أي شئ

!إنت فعلا مصدق في كدة؟

مافيش ضمان غير السعي … اللي عنده إيمان بحلمه الكون كله بيسخر لخدمته … بشرط إنه يثبت إيمانه

وسعيك هو دليل إيمانك … لازم تسعى علشان الرزق والفرص تتفتحلك

لازم تاخد خطوات تثبت إنك فعلا عاوز تحقق حلمك وهتعمل المستحيل علشان تعيش حياة كبيرة وعظيمة

لحد إمتى هتخلي الشك والخوف متمكنين منك ومخليينك عايش حياة صغيرة … حياة الهدف منها هو كسب لقمة العيش وبس

فين طموحك … هل إنت مبسوط … هل إنت عندك غاية أكبر من الوظيفة والمرتب وسداد فواتير كل شهر …

طبعا في ناس ده كل طموحها … بس مظنش إنك منهم طالما اشتركت ومتابعني بقالك فترة

بس سؤالي ليك … مستني إيه علشان تؤمن بنفسك وبإنك تقدر تحقق حلمك؟

مستني إيه؟

مش بقولك شقلب حياتك في يوم وليلة … أنا كل اللي بطلبه منك إنك تبدأ تسعى علشان تكمل بقيت حياتك عايش حر نفسك … باسلوبك مش باسلوب مفروض عليك

خلي_شغفك_شغلك#
محمد تهامي