يمكن ما تكونش واخد بالك… لكن الشغف في أغلب الأحيان بيتولد من رحم المعاناة
المجال اللي قضيت فيه سنين بتحارب علشان تتغلب على نقص أو مشكلة… غالبا هو نفس المجال اللي بيخليك في قمة السعادة وإنت بتقضي وقتك فيه
وده بالظبط السبب اللي بيخليه أفضل نقطة انطلاق لأي مشروع… لأنه ببساطة بيتكلم بلغة قلبك
خليني أقولك على خطة مضمونة لتحويل معاناتك القديمة لشغف مربح في 4 خطوات
أول خطوة… ارجع بالذاكرة لكل المواقف اللي خلتك تتمنى لو كان فيه حل ينقذك وقتها… وافتكر قد إيه كنت بتحس بالراحة كل ما تقرب من المجال اللي كان بينقذك
هنا هتلاقي بذرة مشروعك
تاني خطوة… بص حواليك على الناس اللي سبقوك في نفس المجال… شوف إيه الحلول اللي بيقدموها للمشكلة اللي أنت عشتها… وإزاي قدروا يساعدوا غيرهم يتخطوها
ادرس نجاحاتهم… وحلل نقاط ضعفهم… عشان تتعلم من خبراتهم وتتفادى أخطائهم
تالت خطوة… ابني مكانتك الفريدة
قدم حل مختلف… حل فيه لمستك الشخصية… حاجة مش موجودة عند أي حد تاني
"قدم ميزة واضحة تخلي العميل يقول “ده اللي أنا محتاجه بالضبط
رابع خطوة… صمم نموذج تجاري بسيط يحول فكرتك لربح… ويحققلك دخل مستدام وإنت لسه في وظيفتك
ابدأ صغير… بخطة واضحة… ونظام يخليك تكبر خطوة خطوة من غير استعجال
السر إنك ما تستناش الظروف المثالية… ولا إنك تبقى جاهز ١٠٠٪… النجاح بييجي لما تبدأ وتتعلم في الطريق
....وإفتكر إن
أصعب جرح بيحفر أفضل طريق نحو رسالتك