لو عندك شغف كبير لمجال معين فدي أول خطوة لأي بزنس ناجح
بس لازم تعرف إن الشغف لوحده مش هيوصلك لهدفك لو فضلت تمارسه كهواية
لكن لو استخدمته في حل مشكلة حقيقية عند الناس… ساعتها الشغف ده هيبني بزنس قوي جدا
أقوى نوع من البزنس على الإطلاق هو اللي مبني على ألم أو تجربة شخصية
حاجة إنت عانيت منها… وفضلت تدوّر على حل لحد ما لقيت طريقة تخرج بيها من المشكلة
ساعتها… بتكون إنت أكتر شخص فاهم المشكلة … وبالتالي… أكتر واحد يقدر يساعد غيرك يحلها
...فكّر شوية
إيه الحاجة اللي كانت بتوجعك زمان؟
إيه الحاجة اللي تعبت علشان توصل لحل ليها؟
أكيد في ناس النهاردة بيمرّوا بنفس الوجع… ومحتاجين نفس الطريق اللي إنت مشيته
اللي حولوا شغفهم لبزنس ناجح و مستدام ما اكتفوش بمجرد ممارسة حاجة بيحبوها
هما استخدموا اللي حبوه علشان يغيّروا بيه حياة ناس شبههم
اللي تعبوا... واحتاروا... ودوّروا كتير
وإنت عندك النهاردة إجابة كانوا بيتمنوها من سنين
الإجابة دي هي اللي بتحول الشغف لرسالة وبتخلي البزنس يستمر ويكبر
....افتكر إن
"الشغف بيخليك تبدأ... بس الرسالة هي اللي بتخليك تكمل"