الناجحين ما بيفكروش بنفس طريقتك
كل واحد ناجح تعرفه... وراه لستة طويلة من المحاولات اللي فشلت
هما بيغلطوا أكتر منك بكتير ... بس الفرق إنهم ما بيستسلموش … و بيتعلموا أسرع … و بيقوموا كل مرة أقوى
لما بتخاف تغلط ... أنت بتشل حياتك
عارف يعني إيه تعمل حاجة "غلط" كل يوم؟
يعني تاخد خطوة من غير ما تحاول تمشي على كتالوج
يعني تطلع فكرة وتنفذها حتى لو مش كاملة
"يعني تقول: "أنا مش عارف كل حاجة... بس هجرب
اللي بيدور على الصح بس ... بيتشل من أول غلطة
لكن اللي بيدور على التقدم ... بيغلط ويتعلم ويقوم ويكمل ... وده السر
وده بالظبط السبب اللي بيخليني دايما بقول إن ريادة الأعمال أقوى مدرسة لتطوير الذات
لأنك فيها بتواجه مخاوفك... بتكتشف حدودك... وبتتحدى نفسك كل يوم
مش بس علشان تكسب فلوس... لكن علشان تبقى نسخة أقوى من نفسك
كل غلطة بتفتحلك باب ... كل تجربة بتعلمك حاجة ما كنتش تعرفها
كل وقعة بتكشفلك جزء جديد من نفسك... ومن حلمك
اللي ماشيين ورا الكمال و اللي عاوزين يعيشوا حياتهم من غير ولا غلطة ... هيفضلوا واقفين مكانهم
وحياتهم مش هيبقى فيها حاجة ذات قيمة … لإنها هتكون عبارة عن قصة باهتة ومملة و مافيهاش أي إبهار
......وافتكر إن
الفشل مش عكس النجاح... عكس النجاح هو الإستسلام