إزاي عاوز تبقى غني وإنت مش عارف معنى الكلمة أصلا
معظم الناس فاكرة إن الغني هو الشخص اللي عنده فلوس كتير
و المعتقد ده هيخليك طول الوقت فقير حتى لو بقى عندك ملايين الدنيا
:لو بحثت شوية عن أصل و معنى كلمة غني في اللغة العربية هتلاقي الآتي
كلمة "غني" مشتقة من الفعل "غَنِيَ"، وتدل على الاكتفاء وعدم الحاجة
...يعني الغني هو الشخص اللي مش محتاج حاجة
هو غني لإن عنده موارد تخليه يقدر يحصل على اللي هو عاوزه في أي وقت … أو لإنه معندوش رغبة في الشئ أصلا و مش محتاجه
فلو إنت عندك فلوس كتير لكن طول الوقت حاسس بالحرمان و إن ناقصك حاجة و جعان للمزيد … يبقى إنت فقير
و لو عندك فلوس قليلة بس فعلا من جواك مكتفي و مش محتاج حاجة و مبسوط باللي عندك واللي وصلتله يبقى إنت غني
بس متخلطش ده بالقناعة … لإن القناعة فخ ناس كتير بتقع فيه علشان تبرر عجزها عن تحقيق أحلامها … و ده موضوع خاطرة تانية لاحقا