Return to site

"خد بالك من عقدة "أنا خايف من اللي جاي

في أحد الإجتماعات الدورية اللي بنعملها بعد

Passion To Profit Seminar

واحدة سألتني أنا عملت تقدم هايل بس خايفة من اللي جاي ومن المسؤولية … خايفة مكونش قد النجاح اللي بحققوا … خايفة أفشل … خايفة لو مقدرتش أكمل وفقدت كل اللي أنا عملته.

أنا بسمي الحالة دي عقدة الخوف من اللي جاي

broken image

أنا كان عندي نفس العقدة

بعد ما إستقلت من شغلي علشان أتفرغ لشغفي فضلت فترة مش بتحرك بالمعدل المطلوب وقاعد كل شوية أسأل نفسي هو الفشل جاي إمتى؟

كل كتب التنمية البشرية بتقول لازم تفشل ولازم تتبهدل قبل ما تنجح … وأنا لحد دلوقتي مفشلتش الفشل اللي يكسر الظهر ده. يبقى أكيد قرار إني أسيب شغلي هو القرار اللي هيتسبب في فشلي الذريع وهيتم إختبار إيماني بحلمي وياترى هقدر أقوم أكمل ولا لأ

!فضلت كتير مستني الفشل … بس الفشل ما بيجيش. لحد ما قلت لنفسي اللعنة على كتب التنمية البشرية

الواحد لازم يتوكل على الله ويتحرك بخطوات واثقة وثابتة لتحقيق حلمه… الفشل جه أهلا وسهلا … مجاش برضوا أهلا وسهلا

في

Passion To Profit Seminar

بقول للناس دايما يبدأوا مشروع صغير جدا في الأول … جنب شغلهم الحالي … ويتقنوا من خلاله كل أساسيات ريادة الأعمال. بكدة تضمن إن حتى لو فشلت، الخسارة مش هتكون قاصمة وهتقدر تتعلم من فشلك وتعدل مسارك بسرعة وبسهولة

بعد مشروعك الصغير ما ينجح ويثبت كفاءته وتكون أتقنت أساسيات الإدارة والتسويق هتكون جاهز تكبره وتوصل بيه لحجم المشروع اللي بتحلم بيه

أنا أكيد فشلت في حاجات كتير … لكن دايما الفشل بالنسبالي بيكون عبارة عن خطأ بسيط بتعلم منه وبقدر أكمل تاني بسرعة

لا أنا ولا إنت نقدر نعرف إيه اللي جاي

لكن إنت عارف حاجة واحدة بس

لو مكملتش وقررت تنسحب علشان إنت مش عارف هتكون قد اللي جاي ولا لأ يبقى إنت كدة أكيد فشلت

لو خايف متكونش قد المسؤولية وإنسحبت، يبقى إنت أكيد خذلت ناس كتير كانت حياتها معتمدة على الحل والخير اللي هتقدمه من خلال شغفك وإبداعاتك

ماتخفش من اللي جاي

طالما قلبك قدر يحلم، يبقى إنت قد الحلم

خلي_شغفك_شغلك#

إشترك الآن في

FIND YOUR PASSION WORKSHOP

وأحصل على هدية مجانية بقيمة ١٠٠ جنيه

"نسخة من روايتي الجديدة "الأسطورة سبعة

إضغط هنا للتفاصيل أو إتصل على 01020826426

broken image