ناس كتير بتكون تايهة ومتلخبطة في حياتها ومش عارفة هي عاوزة إيه
وفي ناس كتير تايهة ومتلخبطة لأنها نفسها تعمل حاجات كتير ومحتارة تركز في إيه
وفي ناس كتير تايهة ومتلخبطة لأنها مش عارفة الطريق اللي عاوزة تمشي فيه ده صح ولا غلط
أسباب كتير للخبطة والتوهان
الحاجة المشتركة اللي بينهم كلهم هي حالة الشلل الكامل واللي بيأدي إنهم بيفضلوا محلك سر … ومش بيعملوا أي حاجة في حياتهم بسبب عجزهم عن إتخاذ القرار لعدم وضوح الرؤية
الحقيقة بقى إن آخر كلمة دي هي أصل المشكلة
“الرؤية”
دعوة كل “خبراء” التنمية البشرية اللي أصبحت بعبع لناس كتير ومصدر إحباط ويأس لناس كتير
كلمة “الرؤية” دي أصابت الناس بالشلل وحرمتهم من حق إستكشاف الحياة والإستمتاع بيها. لأن كل الدعوات بتقولك إوعى تتحرك في حياتك بدون رؤية وخطة واضحة لأن دي مخاطرة كبيرة هتعرضك للفشل
طب لو الواحد تايه ومعندوش رؤية يعمل إيه؟
إحلم" “إرسم حياتك” “إصنع مستقبلك” … إلخ"
فتبدأ ترسم خيالات وإرهاصات ملهاش أي أساس … وتلاقي نفسك بعد جهد كبير مش عارف توصل للصورة اللي رسمتها وإنك في مواجهة تحديات كبيرة مكنتش واخد بالك منها وإنت بـ "ترسم حياتك
فبالتالي تصاب بالإحباط واليأس اللي بيتحول بعد كدة لعقدة كبيرة من الفشل وتعملك رعب إنك تتحرك تاني في حياتك في أي إتجاه من غير رؤية واضحة… وهلم جرة
"الحل من العقدة دي في كلمة واحدة بس: "هاجر
السيدة هاجر زوجة سيدنا إبراهيم
سابها زوجها في مكان مافيهوش أي مقومات للحياة. وهي رضيت لمجرد إنها إطمنت إن ده أمر إلهي وأكيد ربنا له حكمة
لما إشتد بكاء إبنها سيدنا إسماعيل كان ممكن تفضل قاعدة مكانها تدعي ربنا إنه ينقذها
لكن السيدة هاجر معملتش كدة
السيدة هاجر علمت البشرية كلمة السر ومفتاح النجاة … وهي
“السعي”
فضلت تسعى سبع مرات بين الصفا والمروة … نفس السعي وبتكرره سبع مرات … مش مرة ولا إتنين وبعدين يأست
هل ده منطق؟
إيه الجديد يعني اللي هيحصل في كل مرة بتسعى فيها؟
مافيش منطق ومافيش جديد … بس كل الحكاية إن ده المتاح ليها. متعرفش ممكن تعمل إيه غير كدة
فضلت تسعى وتعمل المتاح ليها لغاية ما ربنا كشفلها الحل وفجرلها زمزم من تحت رجلين إبنها الرضيع
!فأصبحت هاجر أسطورة
في وسط التوهان واللخبطة والعجز الكامل عن فعل أي شئ لم تتواكل هاجر. ولكن سعت بكل قوتها بدون ملل أو إستسلام. سعت بشكل عشوائي بدون رؤية واضحة أو دليل على صحة اللي هي بتعمله
إنت كمان لازم تاخدها قدوة
اللي هيفضل مستني الرؤية هيفضل تايه وحياته ضلمة
اللي هيسعى ويعمل المتاح هتبانله الرؤية وحياته هتنور
أنا دايما بقول للناس
“إعمل المتاح لحد ما تلاقي المفتاح”
إسعى
إسعى حتى لو مش شايف …
إسعى لأن السعي هو اللي بيفتح الأبواب مش حط الإيد على الخد وإنتظار الفرج
إسعى
وإفتكر…
"كلمة السر "هاجر
خلي_شغفك_شغلك#
إشترك الآن في
FIND YOUR PASSION WORKSHOP
وأحصل على هدية مجانية بقيمة ١٠٠ جنيه
"نسخة من روايتي الجديدة "الأسطورة سبعة
الرواية دي حلم قديم بالنسبالي وأكتر الأعمال اللي أنا فخور بيها حتى الآن. هتتعرف من خلال عمل درامي مشوق وملهم للغاية على المبادئ السبعة للحياة بشغف وهتحيي من جديد كل أحلامك المؤجلة
إضغط هنا للتفاصيل أو إتصل على 01020826426
