سر من أسرار زيادة المبيعات

"عندك تأخير ٣ ساعات و نص"

الجملة دي قالهالي و هو بيضحك مدير الكافيه اللي بروح أقعد فيه كل يوم

العادة إني بروح كل يوم الساعة ٩ الصبح ... لكن في اليوم ده روحت ١٢:٣٠ الظهر

نفس الشكل ... نفس التوقيت ... نفس الأوردر ... نفس الروتين كل يوم

(single espresso)

ده تلقائيا خلق رابط و علاقة قوية مع كل اللي شغالين في المكان

و هو ده السر اللي بيخلي الروتين يزود مبيعاتك و يكبر البزنس بتاعك

من قواعد البزنس الأساسية هي إن عملية البيع بتحصل لما يكون في قدر كافي من الثقة بين البائع و المشتري

والروتين من أقوى أدوات بناء الثقة

إنك تظهر بشكل محفوظ و متوقع كل يوم قدام عميلك المستهدف

...مثال

انشر نوع محتوى ثابت ... بشكل ثابت ... في توقيت ثابت ... و معدل ثابت ... بشكل مستمر و ممل أحيانا

معظم الناس بتزهق أو بتظن إنها محتاجة تغير وتنوع من طريقة ظهورها علشان الناس متملّش

....لكن العكس بالظبط هو الصح

الروتين بيخليك شخص مألوف و نتيجة لكدة بتتكون الثقة مع الوقت بشكل تلقائي ... و أول ما يكون في قدر كافي من الثقة بتحصل عملية البيع مباشرة

....افتكر إن

الروتين سر من أسرار زيادة المبيعات