أكبر غلطة معظم الناس بتقع فيها هي:
بيع الهبة اللي ربنا ادهالك علشان تشتري حياة تقليدية و مستقرة
وده بيحصل تحت اسم "التضحية" ... بس في الحقيقة هو غلطة كبيرة مش تضحية
كل واحد فينا ربنا اداله هبة خاصة ...
بتقدر تكتشفها لما تركز و تبحث عن الحاجة اللي انت بتعملها بمنتهى السهولة ... في حين إن كل الناس اللي حواليك بيشوفوها حاجة معقدة و صعبة جدا
اللي بيحصل بقى إن بدل ما تفعّل و تظهر القدرة الخاصة دي ... بتختار مسار تقليدي جدا علشان تبقى زي كل الناس اللي حواليك ... و بالتالي تحس بالأمان و الإستقرار
و بدل ما تبهر الناس بقدراتك الخاصة و تحولها لمصدر خير ونفع ليهم ... بتنزل انت لمستواهم علشان متبقاش غريب عنهم!
راجع نفسك ... علشان إنت قيمتك أكبر بكتير من اللي انت بتعمله انهاردة