كل شغلي بيدور حوالين كلمة واحدة ... "الحرية
الحرية إنك تعيش بالطريقة اللي تناسبك... مش بالطريقة اللي الظروف أو الناس فرضتها عليك
والفلوس ليها دور كبير في الحرية... لأنها بتوسع أو تضيق مساحة الاختيارات المتاحة قدامك
تخيل معايا مسطرة... أولها صفر فلوس... وآخرها ثروة ضخمة
في أول المسطرة... حريتك محدودة لإنك مضطر توافق على اختيارات كتير مش حاببها
لكن الغريب إن آخر المسطرة مش بالضرورة أحسن
ناس كتير لما الفلوس تبقى محور حياتهم... بيتحولوا من مالكين للثروة... إلى حراس ليها
كل قرار... و كل علاقة ... و كل ساعة في يومهم بتلف حوالين المحافظة على اللي عندهم أو زيادته
لدرجة إن الفلوس اللي كانوا فاكرين إنها هتحررهم ... بقت هي اللي بتتحكم في حياتهم
أنا مؤمن إن فيه نقطة في النص
نقطة بتكون فيها الفلوس بالقدر الكافي إنها تديلك مساحة تختار ... من غير ما تبقى مضطر... ومن غير ما تبقى أسير ليها
بتكون حر تختار تشتغل مع مين ... ترفض إيه ... تعيش فين ... تقضي وقتك مع مين ... وتسافر إمتى
ساعتها الفلوس بتستعيد دورها الطبيعي ... إنها تخدم حياتك ... مش تقودها
ده واحد من المبادئ الرئيسية اللي اتبنى عليها برنامج
Passion To Profit.
عمر ما كان الهدف إني أساعد الناس تعمل مشاريع تكسب ملايين
الهدف كان دايما إنك تبني بزنس حوالين شغفك ... و توصل بالتدريج للنقطة اللي تقدر تعيش فيها بأسلوبك ... مش بأسلوب مفروض عليك
لإن في النهاية... النجاح الحقيقي مش إن يبقى عندك فلوس كتير
النجاح الحقيقي... إنك تعيش حر و تسيب أثر نافع