Return to site

ما هي بداية أي إنجاز؟

تعرف إيه هي بداية أي إنجاز؟

...سؤال

بداية أي إنجاز أو إختراع سؤال عند شخص بيحاول يلاقيله إجابة

حتى شغفك… أكتر حاجة بتحبها بتلاقيها غالبا مرتبطة بمجال عندك فضول كبير تعرف عنه كل حاجة. عندك أسئلة كتير في المجال ده عاوز تعرف إجابتها وهكذا

كمان أي بزنس ناجح بيبدأ بسؤال … سؤال بخصوص مشكلة أو احتياج عند الناس. سؤال عن إزاي تطور أو تحسن من حاجة معينة … سؤال عن فكرة جديدة ممكن تعمل فرق كبير في حياة الناس … إلخ

أنا كان أكتر سؤال شاغل بالي هو إزاي الواحد ممكن يسيب أثر يدوم بعد موته ويخلد اسمه في كتب التاريخ؟

كان دايما شاغل بالي أعرف الناس الناجحة المشهورة بتحقق ده إزاي

:وفي ٢٠٠٧ بدأت سلسلة حوارات مع ناس ناجحين من جوة وبرة مصر وكنت بسألهم

بدأت إزاي؟
إيه التحديات اللي واجهتها واتغلبت عليها إزاي؟
إيه الدروس اللي اتعلمتها أثناء رحلتك؟
إيه النصيحة اللي تحب تقولها لأي حد عاوز ينجح ويسيب أثر؟

"العجيب بقى في كل الحوارات دي إن كانت دايما بدايتهم "الشغف

التحول اللي حصل في حياتهم جميعا كان في اللحظة اللي الشخص اكتشف فيها شغفه لمجال معين وبدأ يسعى علشان يحقق حلم معين في المجال ده

.وهنا لاقيت إجابة سؤالي

وأدركت إن الوظيفة لا يمكن تكون مكاني أو الطريق اللي أقدر أسيب من خلاله أثر يدوم أو أحقق من خلاله حلمي

وهنا بدأت رحلة
Passion To Profit
وإزاي أقدر أحول شغفي لمشروع ناجح أقدر من خلاله أعيش حياتي باسلوبي مش باسلوب مفروض عليا، ويكون عندي الحرية إني أحقق حلمي من غير أي سقف

وهو ده اللي اتمنى أساعدك تحققه إنت كمان

إنت جواك شغف وأسئلة وفضول إنك تعرف إجابات معينة … خليك ورا الأسئلة دي … امشي ورا فضولك … وهو اللي هيوصلك لتحقيق إنجازات كبيرة في حياتك وهيكون ليك أثر كبير في حياة الناس

خلي_شغفك_شغلك#
محمد تهامي