في الزمن ده... مش المنتج هو اللي بيخلي الناس تتكلم عنك
اللي فعلا بيعمل صدى... هو التجربة
ناس كتير بتقدم نفس الخدمة أو نفس النوع من المنتجات
بس اللي بيتميز هو اللي بيخلق إحساس مختلف... لحظة مميزة... تجربة تبقى محفورة في الذاكرة
العميل ممكن ما يركزش قوي مع تفاصيل أو مزايا المنتج بتاعك ... لكن بيفتكر قوي حس بإيه وهو بيتعامل معاك
دول ٣ نصايح هيساعدوك تبني تجربة مميزة في شغلك وحياتك
١. خلّي التجربة هي البطل
الناس بتروح حفلة مش علشان تسمع موسيقى بس
ولا بتروح مطعم علشان الأكل بس
اللي بيفرق هو البهجة... الاندماج... الأجواء
فحاول دايما تقدم تجربة ما تتنسيش
٢. ركّز على الفن مش الفلوس
كل ما تركّز على الإبداع الحقيقي... كل ما النجاح يقرّب
ناس كتير بتبدأ علشان تكسب... فبتخسر
لكن اللي بيبدأ علشان يخلق فن حقيقي... بيوصل
إنت مش محتاج ترضي كل الناس ... إنت محتاج تعمل حاجة واحدة عظيمة... تغير حياة الناس بجد
فن يخليهم يشوفوا الحياة بزوايا جديدة
فن يستاهل يتقال عليه "ده شغل من القلب"
٣. لازم تختار: تبقى شبههم... ولا تبقى أنت
هتعمل اللي إنت مؤمن بيه ... واللا اللي ماشي مع الترند؟
ده أصعب قرار
لإنك لو مشيت مع الترند ممكن تكسب فلوس كتير جدا
لكن أكيد هتخسر نظرتك لنفسك و ممكن مع الوقت تخسر مكانتك في السوق لإنك هتبقى شبه الكل
أفتكر مرة سألت بياع فى
Apple
هو ليه
Apple
مش بتعمل مزايا في التليفون بتاعهم زي سامسونج؟
"رد عليا بجملة عمري ما بنساها ... قاللي "أبل مش بتقلد حد ... أبل هي اللي بتصنع الأصل والكل بيقلد بعد كدة
فدايما خليك فاكر إن
اللي بيفرق مش جودة المنتج... اللي بيفرق هو تميّز التجربة اللي مع المنتج
"خلي كل تفصيلة في شغلك بتقول: "أنا هنا علشان أضيف لحياتك حاجة تستاهل تتحكي