أكتر حاجة بتخوف الناس من إنهم يعملوا بزنس في الحاجة اللي بيحبوها هي: الفلوس
معظم الناس عندها حلم ... بس مرتب آخر الشهر بيخليهم يدفنوا الحلم ده كل يوم
طول ما انت شايف إن شغفك مش هيأكلك عيش عمرك ما هتقدر تاخد أول خطوة لتحقيق حلمك
من تجربتي و من خلال قصص النجاح اللي اتخرجت من برنامج
Passion To Profit®
على مدار ١٣ سنة
أقدر أقولك بمنتهى الثقة إن أي شغف ممكن يتحول لبزنس مربح جدا
ولو عملت بحث صغير على جوجل هتكتشف أفكار لا حصر لها بتحقق أرباح غير عادية في مجال شغفك
إنت مش محتاج أكتر من فكرة واحدة ممكن تكون سبب إنك تبني بزنس من شغفك ... وتكتشف من خلالها قدراتك الحقيقية ... وتتخلص من الوظيفة اللي مش لاقي نفسك فيها
بس إزاي تلاقي الفكرة دي؟
:هقولك على ٣ مفاتيح تساعدك
١. حل مشكلة إنت عيشتها
اسأل نفسك: إيه المشكلة اللي أنا عانيت منها لفترة طويلة و ممكن أساعد الناس يحلوها؟
لما تلاقي إجابة واضحة ... هتلاقي معاها فكرة مربحة
٢. بسّط المعقد
فيه ناس عملت ملايين من مجرد تبسيط حاجة معقدة
زي ما كيندل عمل مع الكتب أو زي ما تطبيق
Duolingo
عمل مع اللغات
٣. ابدأ صغير و بسرعة
لو عندك فكرة اختبرها فورا
ابدأ بتجربة صغيرة ولو نفعت كبرها
الناس اللي مستنية يبقى معاها تمويل أو شريك أو وقت فاضي بتكتشف بعد سنين إن حد تاني نفذ فكرتهم وكسب منها
لو فعلا عاوز تعيش بحرية ... باسلوبك مش باسلوب مفروض عليك ... آمن بشغفك و دور على فكرة
فكرة بسيطة بس ممكن تغير حياتك بالكامل
:ولما تلاقي الفكرة ... افتكر كويس إن
"التردد هيخلي خير فكرتك ينعم بيه حد غيرك"