فيه نوع معين من التعب مش بيجي من قلة النوم... ولا من زيادة الشغل
بيجي من الإحساس إنك قادر تعمل أكتر بكتير... بس مش عارف تبدأ منين
الإحساس ده مرهق... لأنه بيخليك تحس إن يومك بيخلص من غير ما تكون فعلا اتحركت ناحية حلمك
وده مش لأنك كسلان... ولا لأنك مش مهتم
لكن لأن الصورة الكبيرة اللي في بالك ضخمة ومخيفة لدرجة إنك مش عارف تبدأ منين ولا إزاي
"كل الناس بتقولك "فكر كبير"... "ابدأ كبير
ويمكن ده اللي خلى مقالة قريتها علي
CBS Money Watch
اسمها "غيّر حياتك قبل الفطار" تلفت نظري بشدة
الكاتبة لورا فاندركام و مؤلفة كتاب اسمه
What The Most Successful People Do Before Breakfast
بتقول إن أكتر وقت ممكن تغيّر فيه حياتك فعلا هو قبل الفطار
الوقت اللي أغلب الناس بتكون لسه نايمة فيه... هو نفس الوقت اللي ممكن تبني فيه عادة جديدة بسيطة تغير بيها مسار حياتك بالكامل
تتأمل... تتمرن... تكتب... تقرا... تاخد خطوة بسيطة ناحية حلمك
السر مش في حجم الخطوة... لكن في إنك تاخدها و تستمر في التقدم كل يوم
من ساعتها وأنا كل ما ألاقي حلم كبير مخليني واقف في مكاني... أفتكر إن الحل مش في الخطة الكاملة
الحل في إنك تبدأ بحاجة بسيطة جدا... لدرجة إن عقلك ما يحسش إنك بتخوفه بتغيير مفاجئ
اقرا صفحة واحدة بس من الكتاب اللي مأجل قراءته بقالك شهور
ابدأ اكتب صفحة واحدة في الكتاب اللي نفسك تنشره من سنين
اعمل تمرين واحد بس بدل ما تحط لنفسك نظام رياضي معقد
الخطوة الصغيرة دي مش تافهة... دي البداية الحقيقية
...وافتكر إن
"الأحلام الكبيرة ممكن تتحقق بخطوة صغيرة قبل الفطار"
...متسألش نفسك "أبدأ إزاي؟
اسأل "إيه أسهل خطوة ممكن أعملها حالا؟
علشان تبطل تحس إنك بتضيع وقتك وقدراتك كل يوم... و تبدأ فعلا تستخدمهم في حاجة ممكن تغير مستقبلك للأفضل