إنت مش تايه ... إنت بس مفصول عن نفسك
فيه شعور بيكبر جواك كل يوم إنك قادر تعمل حاجة أكبر... تعيش حياة شبهك ... تحقق أثر أعمق
بس فيه فجوة ... دايما فيه فجوة
أكن في طاقة ضخمة محبوسة جواك... مش لاقية مخرج
.مش لإنك ما عندكش شغف... لأ... الشغف موجود... بس إنت مش قادر تشوفه
.حابب أطمنك إن المشكلة مش فيك... المشكلة في خمس حواجز خفية اتزرعت جواك من غير ما تحس
:الحاجز الأول
إنك مستني حد يقولك اتحرك
اتعودت تنفذ المطلوب... و تستنى الإشارة
ونسيت إنك المفروض أنت اللي تسوق حياتك مش العكس
:الحاجز التاني
!كل فكرة بتعدي على دماغك... بتدخلها محكمة تفتيش
تفكير زايد... تخطيط زايد... توتر زايد
وبدل ما تتحرك... بتدخل دوامة تحليل مالهاش آخر
:الحاجز التالت
أي صوت جواك بيشجعك تعمل حاجة نفسك فيها ما بقيتش تسمعه
كل ما تحس بحاجة حقيقية... تأجل... تشك... تخاف
والشغف اللي جاي يحررك... بتقفل الباب في وشه
:الحاجز الرابع
إنت نفسك تعمل اللي إنت بتحبه ... بس خايف الناس هتقول إيه
كأنك عامل حساب جمهور وهمي بيتفرج على حياتك
ونسيت إن الجمهور الحقيقي... هو إنت
:الحاجز الخامس
إنت بتبدأ... بس مش بتكمل
كل مرة تقرب... يحصل
drop
و النتيجة إنك بتشك في نفسك أكتر... وتضيع فرص تانية
الحل لكل ده مش إنك تدور على شغف جديد
الحل إنك تشيل الحواجز اللي بينك وبين شغفك الأصلي
!الشغف مش بتدور عليه... الشغف بتفتكره ... و لما تفتكره لازم تعيشه
وفي اللحظة اللي تعمل فيها كده... هتحس بإحساس عظيم
ثقة... مش خوف
وضوح... مش حيرة
واختيار... مش إجبار
....افتكر إن
"اللي بيمشي في طريق مش طريقه... بيتعب مهما كانت رجله قوية"