مشكلتك مش إنك تايه... مشكلتك إنك مش رايح في حتة أصلا
إنت شخص ذكي... شاطر... اشتغلت سنين في مجال محترم
:بس كل يوم بتصحى على نفس السؤال اللي بتتجاهله من سنين
"هو أنا ليه مش مبسوط رغم إني ماشي حسب الخطة؟"
كل حاجة حواليك شكلها مظبوط ... بس جواك حاسس إنك اتأخرت... وإنك قادر على أكتر من كدة بكتير
بس كل ما تيجي تتحرك... تلاقي نفسك بترجع تاني لعجلة الروتين
دي مش أزمة وقت... دي أزمة معنى
لما تعيش من غير هدف... كل حاجة في الدنيا بتبقى تقيلة
حتى أبسط القرارات بتاخد مجهود
حتى الراحة مش مريحة... لأن مفيش راحة من الفراغ
الناس فاكرة إن البساطة معناها تعيش حياة هادية
بس الحقيقة... البساطة معناها تعيش حياة خالية من أي حاجة مش بتخدم رسالتك
خالية من كل حاجة زيادة بتعطلك... بتسرق طاقتك... وبتشوش عليك صوت شغفك
البساطة مش قرار يخص ديكور البيت!
البساطة نتيجة رؤية واضحة لهدفك
لو عندك هدف... هتعرف تسيب اللي مش ليك من غير ندم
هتعرف تقول لأ من غير ما تحس بالذنب
هتعرف تبدأ من جديد حتى لو فاتك وقت
الهدف مش رفاهية... الهدف هو الفلتر اللي بينقي حياتك
هو اللي بيحوّل التحديات لوقود
وبيحول كل صباح لبداية جديدة... مش نسخة باهتة من امبارح
مفيش حاجة اسمها اتأخرت... فيه حاجة اسمها لسه ما بدأتش
:و أنا عاوزك انهاردة تبدأ بسؤال واحد بسيط
"إيه الحاجة اللي لو عملتها... هتحس إنك عايش فعلا؟"
جاوب بقلبك ... مش بعقلك
لإن المنطق ممكن يبرر الراحة... بس الشغف هو اللي بيخلق الحياة
اللي ماعندوش هدف... هيعيش دايما في زحمة مش بتخلص
!لكن اللي عارف هو مين ورايح فين... حياته حتى لو بسيطة بتبقى مليانة