"معظم الناس لسة بتفكر بمبدأ "ابدأ كبير علشان تفضل كبير
رغم إن التاريخ أثبت ... بما لا يدع مجالا للشك ... إن النجاح الحقيقي بيبدأ بخطوة صغيرة... مدروسة... وهادية
أغلب اللي بيبدأوا مشروعهم بحماس زايد وبحجم أكبر من طاقتهم ... بيصرفوا كتير من غير ما يكون في حد بيشتري
وبعد شوية بيحسوا إنهم استهلكوا طاقتهم وفلوسهم كلها قبل ما المشروع يبدأ يحقق أرباح
أنا شخصيا عمري ما اشتغلت بالطريقة دي
لما بدأت في مجال التدريب... كان كل همي أبيع برنامج واحد لشركة واحدة... وأشوف إذا كانوا فعلا مستعدين يدفعوا فيه فلوس
ولما بدأت
"Chess Your Child"
... كنت مركز بس أجمع 10 أطفال لمدة ساعتين... وأتأكد إن في أهالي فعلا شايفين قيمة اللي بقدمه ومستعدين يدفعوا مقابله فلوس
.وهكذا في كل حاجة بعملها
ببدأ على
Scale
صغير جدا... في هدوء تام... وأتأكد إن في حد بيدفع فلوس فعلا... وبعد كده ببدأ أحلم على كبير
حتى الناس اللي بتتخرج من عندنا وبتحقق قصص نجاح كبيرة ... بيبدأوا بنفس الطريقة
علشان كده مشاريعهم بتعيش وتستمر سنين ... لأنها مبنية على بدايات هادية و خبرة بتتبني صح مع الوقت
مش فرقعة فاضية أو حلم أكبر من طاقتهم و خبرتهم التجارية
...عمرو مصطفى مثل بسيط جدا
!بدأ يقدم طبق رامن ياباني من مطبخ بيته ... وكان بيوصل الطلبات بنفسه لأي عميل يطلب
النهاردة ما شاء الله عنده فرعين للمطعم بتاعه
Ichimiro Ramen
... وشغال على الفرع التالت
وعلامته التجارية بتكبر يوم بعد يوم... لأنه بدأ من نقطة واقعية... واختبر الفكرة في السوق قبل ما يتوسع
الفكرة مش إنك تحلم صغير... الفكرة إنك تبدأ صح وتحقق نجاح صغير ... وبعد كده تحلم زي ما تحب
اللي بيبدأوا على
Scale
صغير... مش بيضيعوا طاقتهم على حاجات مش مجربة... وده بالظبط اللي بيخليهم يستمروا... ويكملوا... ويكبروا
....وافتكر
"ابدأ بحجم صغير... بس بعقلية كبيرة... وخلي التجربة و الخبرة تسبق التوسع"